వెైరస్‌, బ్యాక్టీరియా, ఫంగస్‌, పరాన్న జీవుల వలన కలిగిన ఇన్‌ఫెక్షన్‌ మొదట పొడి దగ్గుతోనే ఆరంభమై బాధిస్తుంటుంది. గొంతు, ముక్కులో ప్రారంభమైన ఇన్‌ఫెక్షన్‌, ఊపిరితిత్తుల వరకూ ప్రయాణించి, శ్వాసమా ర్గాల లోపల ఉండే ‘మ్యూకోసా’ పొరను దెబ్బ తిస్తాయి. ఫలితంగా పొడిదగ్గు మొదలెై సతాయిస్తుంది. సాధారణంగా ఏ దగ్గు అయినా, వారం రోజులలో తగ్గాలి. వారం దాటినా పొడి దగ్గు వేధిస్తుంటే మాత్రం ప్రమాదకరమైన సమస్య ఉన్నదని భావించి జాగ్రత్తపడాలి, దగ్గుతోపాటు జ్వరం, తలనొప్పి, ఆయాసం ఉంటే రక్తపరీక్ష, ఊపిరితిత్తుల ఎక్స్‌రే, శ్వాసకోశాల పరీక్ష చేయించుకోవాలి.
జాగ్రత్తలు:
జాగ్రత్తలు:
- వ్యాధి తీవ్రత ఎక్కువగా ఉన్నప్పుడు వెంటనే డాక్టరును సంప్రదించాలి, చల్లటి పదార్థాలు, కూల్‌డ్రింక్స్‌, స్వీట్స్‌ తీసుకోకూడదు. చల్లటి గాలికి వెళ్లే ముందు మాస్క్‌ ధరించాలి.
- ఆల్కహాలు, పొగతాగే అలవాటు ఉన్న వారు వెంటనే మానేయాలి.
- బ్రీతింగ్‌, ఎక్సర్‌సైజ్‌, ప్రాణాయామం, యోగ నిత్యం చేయాలి.
చికిత్స:
వ్యాధి లక్షణాలను, ఉద్రేక, ఉపశమనాలనీ, వ్యక్తి శరీరతత్వాన్ని దృష్టిలో ఉంచుకొని, చికిత్స చేసిన పొడిదగ్గు నుండి త్వరగా ఉపశమనం పొందవచ్చు.
మందులు:
ఎకోనెైట్‌: చలిగాలిలో తిరగటం వలన పొడి దగు వస్తుంది. పొడిదగ్గు భరించలేకుండా ఉండి మంచం మీద వెల్లకిలాపడుకోలేరు. మూడు, నాలుగు దిండ్లు వేసి ఎతుత్గా పడుకోబెట్టాలి. విపరీతమైన దాహం ఉండి, ఎప్పుడూ చల్లటి పానియాలు కోరడం ప్రత్యేక లక్షణాలు.
ఇపికాక్‌: రాత్రిళ్లు దగ్గు ఎక్కువగా ఉండి, ఛాతిలో గురు గురు శబ్దాలు వస్తుంటాయి. వాంతులు, వికారం ఉంటాయి. వాంతి చేసుకొన్న తర్వాత కూడా, వికారం తగ్గకపోవడం గమనించదగిన లక్షణం. ఈ రోగికి ముక్కులో జిలగా ఉండి, తుమ్ములెక్కువగా వస్తుంటాయి. ఈ రోగులలో సాధారణంగా దప్పిక ఉండదు. ఇటువంటి లక్షణాలు ఉన్న వారికి ఈ మందు తప్పక ఆలోచించదగినది.
హెపార్‌సల్ప్‌: గొంతులో తీవ్రమైన ఇన్‌ఫెక్షన్‌ ఉండి, పుల్ల అడ్డుపడినట్లుగా అనిపించి, నొప్పిగా ఉంటుంది. ఊపిరితిత్తులలో నిమ్ము ఉండి, పిల్లి కూతలు వస్తాయి. దగ్గుతో పాటుగా జ్వరం ఉంటుంది. ఇటువంటి లక్షణాలు ఉన్న వారికి ఈ మందు తప్పక వాడుకోదగినది.
స్పాంజియా: గొంతు చీరుకూపోతూ, కంగుకంగుమని దగ్గు ఉంటుంది. దగ్గు వలన గొంతు బొంగురుపోయి, మాట స్పష్టతను కోల్పోతుంది. ఈ లక్షణం ఉన్న రోగులకు, ఈ మందు ఆలోచించదగింది.
పెై మందులతో పాటు బ్రయోనియా, ఆర్సినిక్‌ ఆల్బ్‌, బెల్లడొనా, రస్‌టాక్స్‌, డల్కమెర, పల్సటెల్లా, ఫాస్పరస్‌, సల్ఫర్‌ వంటి కొన్ని మందులను లక్షణాలను అనుసరించి, డాక్టరు సలహామేరకు వాడి ప్రయోజనం పొందవచ్చు.
