ఉపవాసం పేరిట మధ్యాహ్నం భోజనం మానేసి రాత్రి సమయంలో మితిమీరి ఆహారం తీసుకోవటం వలన రక్తంలో గ్లూకోజ్ స్థాయిలు ఒక్కసారిగా పెరిగిపోతాయి. ఇన్సులిన్ వేగం తగ్గుతుంది. ఇది డయాబెటిస్ కి దారి తీయవచ్చు. రక్తంలో గ్లూకోజ్ స్థాయిలు పడిపోయినప్పుడు దాన్ని తట్టుకొవటానికి శరీరం కొన్ని రకాల హార్మోన్స్ ని విడుదల చేస్తుంది.దాంతో రక్తపోటు పెరిగి రక్తనాళాలు కుచించుకుపోయే అవకాశాలు ఉన్నాయి. అందువల్ల ఉపవాసం ఉన్న సమయంలో ఎక్కువగా మంచి నీటిని త్రాగాలి.
చాలా మంది ఉపవాసం సమయంలో పండ్ల రసాలను త్రాగుతూ ఉంటారు. కానీ ఆ సమయంలో పండ్ల రసాలకు బదులు కొబ్బరి నీటిని త్రాగితే మంచిది. ఉపవాసం విరమించిన తర్వాత పీచు ఎక్కువగా ఉండే పండ్లు తీసుకోవాలి. ఉపవాసం వలన అవయవాల పనితీరు దెబ్బతింటుంది. అందువల్ల ఉపవాసాలు అనివార్యం అయితే తప్ప ఎక్కువగా చేయకూడదు.
