నాలుగు మందిలోకి వెళ్లి ధైర్యంగా మాట్లాడాలన్నా, నవ్వాలన్నా నోటి దుర్వాసన (Bad Breath) పెద్ద సమస్యగా మారుతుంది. ఎదుటివారితో మాట్లాడేటప్పుడు మనకు తెలియకుండానే ఒక రకమైన అభద్రతాభావం ఏర్పడుతుంది. అయితే, ఈ సమస్యకు ఖరీదైన మౌత్ ఫ్రెషనర్లు వాడాల్సిన అవసరం లేదు. మన ఇంట్లో దొరికే వస్తువులతోనే ఈ సమస్యకు సులభంగా చెక్ పెట్టవచ్చు.
అసలు నోటి దుర్వాసన ఎందుకు వస్తుంది? దీన్ని తక్షణమే తగ్గించుకునే ఆ రెండు అద్భుతమైన చిట్కాలు ఏంటో ఇప్పుడు చూద్దాం.
చాలా మంది చేసే చిన్న చిన్న పొరపాట్లే ఈ సమస్యకు ప్రధాన కారణం అవుతుంటాయి:
బ్రష్ చేయకుండా టీ, కాఫీ తాగడం: ఉదయం లేవగానే చాలా మంది బ్రష్ చేయకుండానే బెడ్ కాఫీ లేదా టీ తాగేస్తుంటారు. దీనివల్ల నోటిలో బ్యాక్టీరియా విపరీతంగా పెరిగిపోతుంది.
నోటి శుభ్రత లోపించడం: తిన్న తర్వాత నోటిని సరిగ్గా శుభ్రం చేసుకోకపోవడం వల్ల దంతాలు క్షీణించి, పుచ్చిపోతాయి. ఇది తీవ్రమైన దుర్వాసనకు దారితీస్తుంది.
నోటి దుర్వాసనను మాయం చేసే 2 అద్భుతమైన చిట్కాలు
ఈ రెండు సింపుల్ హోమ్ రెమెడీస్ పాటిస్తే నిమిషాల్లో మీ నోరు ఫ్రెష్గా మారుతుంది:
1. గోరువెచ్చని ఉప్పు నీటితో పుక్కిలించడం
ఒక గ్లాస్ గోరువెచ్చని నీటిని తీసుకుని, అందులో అరస్పూన్ ఉప్పు వేసి బాగా కలపాలి. ఈ నీటిని నోట్లో పోసుకుని బాగా పుక్కిలించి (Gargling) ఊసేయాలి.
ఎప్పుడు చేయాలి?: రోజులో రెండు లేదా మూడు సార్లు ఇలా చేయాలి. ముఖ్యంగా ఉదయం బ్రష్ చేసిన తర్వాత, రాత్రి పడుకునే ముందు, అలాగే బయటకు వెళ్లే ముందు ఇలా చేస్తే రోజంతా నోటి దుర్వాసన సమస్య ఉండదు.
మన వంటింట్లో ఉండే మసాలా దినుసు 'లవంగం' నోటి ఆరోగ్యాన్ని కాపాడటంలో అద్భుతంగా పనిచేస్తుంది.
ఎలా వాడాలి?: నోటి దుర్వాసనగా అనిపించినప్పుడు రెండు లవంగాలను నోట్లో వేసుకుని మెల్లగా నములుతూ ఆ రసాన్ని మింగాలి.
ఎలా పనిచేస్తుంది?: లవంగాలలో ఉండే యాంటీ బ్యాక్టీరియల్ లక్షణాలు నోటిలోని హానికర బ్యాక్టీరియాను పూర్తిగా నశింపజేస్తాయి.
లవంగాలతో ఇతర ఆరోగ్య ప్రయోజనాలు
లవంగాలను నమలడం వల్ల కేవలం దుర్వాసన తగ్గడమే కాకుండా మరికొన్ని దంత సమస్యలు కూడా నయమవుతాయి:
చిగుళ్ల నొప్పులు, వాపుల నుండి ఉపశమనం లభిస్తుంది.
చిగుళ్ల నుండి రక్తం కారే సమస్య తగ్గుతుంది.
దంత క్షయం (Tooth Decay) కాకుండా దంతాలను రక్షిస్తుంది.
గమనిక: నోటి శుభ్రతను పాటించడంతో పాటు రోజుకు కనీసం రెండు సార్లు (ఉదయం, రాత్రి) బ్రష్ చేసుకోవడం అలవాటు చేసుకుంటే నోటి దుర్వాసన సమస్య మీ దరిచేరదు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
