డయాబెటిస్ ఉన్న వారు....మీ గుండె సేఫ్ గా ఉండాలంటే...తీసుకోవలసిన ఆహరం

డయాబెటిస్ ఉన్న వారిలో రక్తనాళాలకు జరిగే నష్టం ఎక్కువగా ఉంటుంది. దీనిమూలంగా గుండె జబ్బులు వచ్చే అవకాశం పెరుగుతుంది. అయితే క్యాబేజీ, క్యాలీఫ్లవర్, బ్రొక్కోలి వంటి కూరగాయలను ఎక్కువగా తీసుకోవడం వల్ల ఈ ప్రమాదాన్ని తగ్గించుకోవచ్చంటున్నారు వైద్యులు. ఈ కూరగాయల్లో ఉండే సల్ఫోరపేన్ అనే పదార్థం మాలిక్యూల్స్‌ను తగ్గించడంలో సహాయపడే ఎంజైమ్స్ ఉత్పత్తి కావడాన్ని ప్రేరేపిస్తుంది. ఈ మాలిక్యూల్స్‌ను ఆక్సిజన్ ఫ్రీ రాడికల్స్ అని కూడా పిలుస్తారు.

వీటి లెవెల్స్ పెరిగినపుడు రక్తంలో షుగర్ శాతం పెరిగిపోతుంది. తద్వారా గుండెకు రక్తాన్ని సర ఫరా చేసే రక్తనాళాలు దెబ్బతింటాయి. గుండె పోటు వచ్చే అవకాశం పెరుగుతుంది. ఈ పరిస్థితిని నిరోధించడంలో బ్రొక్కోలి, క్యాలీఫ్లవర్ చక్కగా ఉపకరిస్తాయి. వీటిలో సి-విటమిన్, కాల్షియం, ఫైబర్ ఎక్కువగా లభిస్తుంది. ఇందులో యాంటీ అక్సిడెంట్లు పుష్కలంగా ఉంటాయి. అంతేకాదు ఈ కూరగాయల్లో రోగ నిరోధకశక్తిని పెంపొందించే గుణం ఉందని, పెద్ద పేగు క్యాన్సర్ బారిన పడకుండా ఇవి కాపాడతాయని గతంలో జరిపిన పరిశోధనల్లో తేలింది. ఇంకేం.. వారంలో ఒకరోజైనా ఈ కూరగాయలను మీ మెనూలో ఉండేలా చూసుకుని ఆరోగ్యంగా ఉండండి.