కాళ్లు కడగకుండా ఇంట్లోకి ఎందుకు రాకూడదు?

ఇది చాదస్తం, మూఢాచారం కాదు, ఆరోగ్యసూచన. ఇప్పుడైతే పాదాలను పూర్తిగా కవర్ చేసే బూట్లు వాడుతున్నాం కానీ పూర్వం పాదరక్షలు ఇంత పకడ్బందీగా ఉండేవి కాదు. చాలామంది అసలు పాదరక్షలు వాడేవారు కాదు కూడ. అలాంటప్పుడు బయట నడిచినప్పుడు పాదాలకు దుమ్ము అంటుతుంది. ఆ దుమ్మును బయట వదిలించుకుని ఇంట్లోకి శుభ్రంగా రమ్మని చెప్పడమే ఈ నియమం ఉద్దేశం. అలాగే కొంతమంది కాళ్లు కడుక్కోవడం సంగతి దేవుడెరుగు, బయటకు వాడిన చెప్పులతో ఇల్లంతా తిరుగుతుంటారు. పిల్లలకు చిన్నప్పుడే చెప్పులు బయట లేదా ఇంట్లో ఒక మూల వదలడం, ఇంటికి వచ్చిన వెంటనే కాళ్లు కడుక్కోవడం ఒక నియమంగా నేర్పిస్తే పెద్దయ్యాక ఆ అలవాటు కొనసాగుతుంది.