Banana for Hair Growth :వాతావరణంలో కాలుష్యం, ఒత్తిడి వంటి అనేక రకాల కారణాలతో జుట్టు రాలే సమస్య ఈ మధ్యకాలంలో ఎక్కువగా కనబడుతుంది. అరటి పండు జుట్టుకి సంబందించిన సమస్యలను తగ్గించటానికి చాలా బాగా సహాయపడుతుంది.
మనలో చాలా మంది జుట్టు రాలే సమస్య, చుండ్రు వంటివి వచ్చినప్పుడు ఖరీదైన ఉత్పత్తులను వాడుతూ ఉంటారు. అలాకాకుండా అరటిపండు ప్యాక్ వేసుకుంటే ఈ సమస్యల నుంచి బయటపడవచ్చు. మనకు ఏ సీజన్లో అయినా ఈజీగా తక్కువ ధరలో అరటి పండ్లు దొరుకుతాయి.
అరటిపండు జుట్టు రాలే సమస్యను తగ్గించి జుట్టు ఆరోగ్యంగా మృదువుగా ఉండేలా చేస్తుంది. అరటిపండులో ఉండే పొటాషియం, సిలికా, మెగ్నీషియం, యాంటీ ఆక్సిడెంట్, విటమిన్ సి, ఫైబర్ వంటివి జుట్టు ఆరోగ్యంగా ఉండేలా సెహ్స్తాయి.
2 బాగా పండిన అరటి పండ్లను గుజ్జుగా చేసి 4 స్పూన్ల పెరుగు కలిపి ఐదు నిమిషాల పాటు అలా వదిలేయాలి. ఆ తర్వాత ఈ పేస్టును జుట్టు కుదుళ్ళ నుండి చివర్ల వరకు అప్లై చేసి 15 నిమిషాలు అయ్యాక గోరువెచ్చ నీటితో కుంకుడుకాయలతో తల స్నానం చేయాలి.
ఈ విధంగా వారంలో రెండు సార్లు చేస్తూ ఉంటే జుట్టు కుదుళ్లు బలంగా మారి జుట్టు రాలకుండా ఆరోగ్యంగా పెరుగుతుంది. అలాగే చుండ్రు,దురద వంటి సమస్యలు కూడా ఏమి లేకుండా ఉంటాయి.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.
