Diabetes:షుగర్ ఉన్న వారు ఈ పండ్లను తింటున్నారా.. అయితే ప్రమాదంలో పడినట్టే.. మధుమేహం ఉన్నవారు తమ ఆహారంలో చాలా జాగ్రత్తగా ఉండాలి, ముఖ్యంగా కార్బోహైడ్రేట్లు మరియు చక్కెరలు ఉన్న ఆహారాల విషయంలో అత్యంత శ్రద్ధ వహించాలి. ఈ ఆహారాలను కొంచెం ఎక్కువ లేదా తక్కువ తీసుకున్నా, రక్తంలో షుగర్ స్థాయిలు ఒక్కసారిగా పెరగడం లేదా తగ్గడం జరుగుతుంది.
మధుమేహం ఉన్నవారు ఖచ్చితంగా తినకూడని 5 పండ్ల గురించి ఇక్కడ తెలుసుకుందాం. పండ్లు సాధారణంగా ఆరోగ్యానికి మంచివే, కానీ కొన్ని పండ్లలో చక్కెర కంటెంట్ ఎక్కువగా ఉంటుంది. అలాంటి పండ్లు తినడం వల్ల రక్తంలో షుగర్ స్థాయిలు వేగంగా పెరిగి, ఇన్సులిన్ నియంత్రణ తప్పవచ్చు.
మామిడి: మామిడిలో సహజ చక్కెర ఎక్కువగా ఉంటుంది. ఒక సగటు మామిడిలో సుమారు 40-45 గ్రాముల చక్కెర ఉంటుంది. దీని గ్లైసెమిక్ ఇండెక్స్ (GI) 51 నుంచి 60 మధ్య ఉంటుంది, అంటే ఇది తిన్న వెంటనే రక్తంలో షుగర్ స్థాయిలు వేగంగా పెరుగుతాయి. ఇందులో ఫైబర్ తక్కువగా ఉండటం వల్ల షుగర్ స్థాయిలను నియంత్రించడం కష్టమవుతుంది.
అరటిపండు: బాగా పండిన అరటిపండులో స్టార్చ్ చక్కెరగా మారుతుంది. దీని GI విలువ 60కి పైగా ఉంటుంది, దీని వల్ల రక్తంలో షుగర్ స్థాయిలు త్వరగా పెరుగుతాయి.
సపోటా: సపోటాలో చక్కెర కంటెంట్ చాలా ఎక్కువ. 100 గ్రాముల సపోటాలో సుమారు 20 గ్రాముల చక్కెర ఉంటుంది. దీని GI 65 నుంచి 70 మధ్య ఉంటుంది, ఇది రక్తంలో గ్లూకోస్ స్థాయిలను వేగంగా పెంచుతుంది.
ద్రాక్ష: 100 గ్రాముల ద్రాక్షలో 16-18 గ్రాముల చక్కెర ఉంటుంది, మరియు దీని GI 50 నుంచి 59 మధ్య ఉంటుంది. ద్రాక్షలో ఫైబర్ తక్కువగా ఉండటం వల్ల, కొద్దిగా తిన్నా రక్తంలో గ్లూకోస్ స్థాయిలు వేగంగా పెరుగుతాయి.
పైనాపిల్: పైనాపిల్‌లో చక్కెర శాతం చాలా ఎక్కువగా ఉంటుంది, దీని GI 66 నుంచి 94 వరకు ఉంటుంది. భోజనం తర్వాత దీన్ని తినడం వల్ల రక్తంలో షుగర్ స్థాయిలు ఒక్కసారిగా పెరిగిపోవచ్చు. అందుకే మధుమేహం ఉన్నవారు ఈ పండును తినకపోవడమే మంచిది.
గమనిక: ఈ సమాచారం కేవలం అవగాహన కోసం మాత్రమే. నిపుణుల సలహా ప్రకారం ఇక్కడ పేర్కొన్న అంశాలను అందించడం జరిగింది. ఆరోగ్య సమస్యలకు సంబంధించి నేరుగా వైద్య నిపుణులను సంప్రదించడం ఉత్తమం.
