IRCTC Tour: కేరళ, రాజస్థాన్, చార్ ధామ్, అండమాన్ వెళ్లేందుకు స్పెషల్ టూర్ ప్యాకేజీ.. పూర్తి వివరాలు.. దసరా సెలవుల సందర్భంగా IRCTC విశాఖపట్నం నుంచి కేరళ, రాజస్థాన్, చార్ ధామ్, అండమాన్ అండ్ నికోబార్ దీవులకు ప్రత్యేక విమాన టూర్ ప్యాకేజీలను ప్రకటించింది. ఈ ప్యాకేజీలు పర్యాటకులకు సౌకర్యవంతమైన ప్రయాణ అనుభవాన్ని అందించేందుకు రూపొందించబడ్డాయి.
IRCTC/BBS జాయింట్ జనరల్ మేనేజర్ క్రాంతి పి. సావర్కర్ ఈ టూర్ ప్యాకేజీల వివరాలను వెల్లడించారు. ఈ ప్యాకేజీల్లో ఇండిగో ఎయిర్‌లైన్స్‌లో ఎకానమీ క్లాస్ విమాన టిక్కెట్లు, 3 స్టార్ హోటళ్లలో వసతి, అల్పాహారం, విందు, ఎయిర్ కండిషన్డ్ వాహనాల్లో సైట్ సీయింగ్, షేరింగ్ ప్రాతిపదికన ప్రయాణం, ప్రయాణ బీమా సౌకర్యాలు ఉన్నాయి.
కేరళ టూర్ వివరాలు: ‘సీనిక్ కేరళ’ ప్యాకేజీలో కొచ్చి, మున్నార్, తెక్కడి, కుమారకోమ్, శ్రీ పద్మనాభ స్వామి ఆలయ దర్శనం ఉన్నాయి. ఈ టూర్ 6 రాత్రులు, 7 రోజులు సాగుతుంది. తేదీలు: సెప్టెంబర్ 12 నుంచి 18 వరకు. టికెట్ ధరలు:
సింగిల్ ఆక్యుపెన్సీ: రూ. 52,590
డబుల్ ఆక్యుపెన్సీ: రూ. 38,030
ట్రిపుల్ ఆక్యుపెన్సీ: రూ. 36,380
రాజస్థాన్ టూర్ వివరాలు: ‘రాయల్ రాజస్థాన్’ ప్యాకేజీలో జైపూర్, బికనీర్, జైసల్మేర్, జోధ్‌పూర్, ఉదయపూర్, మౌంట్ అబు, పుష్కర్, అజ్మీర్ లను సందర్శించవచ్చు. ఈ టూర్ 9 రాత్రులు, 10 రోజులు సాగుతుంది. తేదీలు: అక్టోబర్ 9 నుంచి 18 వరకు. టికెట్ ధరలు:
సింగిల్ ఆక్యుపెన్సీ: రూ. 77,375
డబుల్ ఆక్యుపెన్సీ: రూ. 60,155
ట్రిపుల్ ఆక్యుపెన్సీ: రూ. 56,100
చార్ ధామ్ యాత్ర వివరాలు: ఈ యాత్రలో బద్రీనాథ్, బార్కోట్, గంగోత్రి, గుప్త కాశి, హరిద్వార్, కేదార్నాథ్, సోన ప్రయాగ, యమునోత్రి వంటి ఆధ్యాత్మిక క్షేత్రాలను దర్శించవచ్చు. ఈ టూర్ 11 రాత్రులు, 12 రోజులు సాగుతుంది. టికెట్ ధరలు:
సింగిల్ ఆక్యుపెన్సీ: రూ. 81,545
డబుల్ ఆక్యుపెన్సీ: రూ. 71,760
ట్రిపుల్ ఆక్యుపెన్సీ: రూ. 67,845
అండమాన్ అండ్ నికోబార్ టూర్ వివరాలు: ‘LTC అండమాన్ ఎమరాల్డ్స్’ ప్యాకేజీలో పోర్ట్ బ్లెయిర్, రాస్ ఐలాండ్, నార్త్ బే ఐలాండ్, హేవ్‌లాక్ ఐలాండ్, నీల్ ఐలాండ్‌లను సందర్శించవచ్చు. టికెట్ ధరలు:
సింగిల్ ఆక్యుపెన్సీ: రూ. 67,165
డబుల్ ఆక్యుపెన్సీ: రూ. 50,570
ట్రిపుల్ ఆక్యుపెన్సీ: రూ. 48,990
ఆసక్తి ఉన్నవారు విశాఖపట్నం రైల్వే స్టేషన్‌లోని IRCTC కార్యాలయం (ప్రధాన ప్రవేశ ద్వారం, గేట్ నంబర్ 1) వద్ద టిక్కెట్లు బుక్ చేసుకోవచ్చు. మరిన్ని వివరాల కోసం సాయి ప్రసాద్ (9281495847), కె. వెంకటేశ్వరరావు (9550166168), చందన్ కుమార్ (9281030748) నంబర్లలో సంప్రదించవచ్చు లేదా www.irctctourism.com వెబ్‌సైట్‌లో తెలుసుకోవచ్చు.
