LPG Gas Cylinder: గ్యాస్ కస్టమర్లకు బిగ్ అలర్ట్.. బుకింగ్ రూల్స్ మారాయి, ఇకపై అలా కుదరదు!
వంట గ్యాస్ వినియోగదారులకు చమురు కంపెనీలు ఊహించని షాక్ ఇచ్చాయి. గ్యాస్ సిలిండర్ బుకింగ్కు సంబంధించి (LPG Gas Cylinder New Rules) కీలక మార్పులు చేశాయి.
ఇకపై మీరు అనుకున్న వెంటనే, గ్యాస్ అయిపోకముందే సిలిండర్ బుక్ చేద్దామంటే కుదరదు. ఈ మేరకు తమ బుకింగ్ సాఫ్ట్వేర్లో చమురు కంపెనీలు మార్పులు కూడా చేసేశాయి. అసలు ఈ కొత్త రూల్ ఏంటి? సడెన్గా ఈ నిర్ణయం ఎందుకు తీసుకున్నారో ఇక్కడ తెలుసుకోండి.
సరికొత్త రూల్ ఇదే.. 21 రోజులు ఆగాల్సిందే!
గతంలో మన ఇంట్లో గ్యాస్ సిలిండర్ బుక్ చేసిన సుమారు 15 రోజుల తర్వాత, మరో కొత్త సిలిండర్ (రీఫిల్) బుక్ చేసుకునే అవకాశం ఉండేది. కానీ ఇప్పుడు ఆ వెసులుబాటు లేదు.
కొత్త నిబంధన: కొత్త నిబంధనల ప్రకారం, ఒకసారి సిలిండర్ డెలివరీ అయిన తర్వాత, మరొక సిలిండర్ బుక్ చేయడానికి మధ్యలో కచ్చితంగా 21 రోజుల గ్యాప్ ఉండాల్సిందే.
అంటే, 3 వారాలు గడిస్తే తప్ప మీ గ్యాస్ ఏజెన్సీ యాప్ లేదా సిస్టమ్ మీ బుకింగ్ను యాక్సెప్ట్ చేయదు. ఈ రూల్ ఇప్పటికే అమల్లోకి వచ్చేసింది. ఏజెన్సీలకు కఠిన ఆదేశాలు కూడా అందాయి.
సడెన్గా ఈ మార్పు ఎందుకు?
ప్రతి ఇంట్లో వంట గ్యాస్ అనేది అత్యంత నిత్యావసరం. అలాంటిది ఇంత గ్యాప్ ఎందుకు పెట్టారనే సందేహం రావచ్చు. దీని వెనుక అసలు కారణం మధ్యప్రాచ్యంలో (ఇరాన్ తదితర దేశాల్లో) జరుగుతున్న యుద్ధమే.
యుద్ధం కారణంగా ఇంధన సరఫరా గొలుసులపై (Supply Chains), సముద్ర వాణిజ్య మార్గాలపై తీవ్ర ఒత్తిడి నెలకొంది.
ఇలాంటి పరిస్థితుల్లో గ్యాస్ కొరత వస్తుందేమో అన్న భయంతో ప్రజలు ముందుగానే సిలిండర్లను బుక్ చేయడం (Panic Booking) ప్రారంభిస్తారు.
ఇలా అందరూ ఒకేసారి ఓవర్-బుకింగ్ చేస్తే నిజంగానే మార్కెట్లో సిలిండర్ల కొరత ఏర్పడుతుంది. ఈ సమస్యను అడ్డుకుని, అందుబాటులో ఉన్న స్టాక్ను అందరికీ సమానంగా పంచడానికే చమురు కంపెనీలు ఈ '21 రోజుల' లాక్ను సాఫ్ట్వేర్లో సెట్ చేశాయి.
డెలివరీకి ఆ 'కోడ్' తప్పనిసరి!
బుకింగ్ వ్యవధి మారడమే కాకుండా, డెలివరీ విషయంలోనూ కంపెనీలు కఠినంగా వ్యవహరిస్తున్నాయి.
మీరు ఆన్లైన్లో గానీ, మొబైల్ ద్వారా గానీ సిలిండర్ బుక్ చేసిన వెంటనే మీ ఫోన్కు టెక్స్ట్ మెసేజ్ రూపంలో DAC (Delivery Authentication Code) లేదా OTP వస్తుంది.
గ్యాస్ డెలివరీ బాయ్ మీ ఇంటికి వచ్చినప్పుడు ఈ కోడ్ చెబితేనే సిలిండర్ మీ ఇంట్లో దించుతారు. కోడ్ లేకుండా సిలిండర్ ఇచ్చే ప్రసక్తే లేదని డిస్ట్రిబ్యూటర్లు స్పష్టం చేస్తున్నారు.
ముఖ్య గమనిక: ఈ కొత్త మార్పుల నేపథ్యంలో, గృహిణులు తమ గ్యాస్ వినియోగాన్ని కొద్దిగా ప్లాన్ చేసుకోవడం ఉత్తమం. వృధాను అరికట్టి, కనీసం 21 రోజుల పాటు సిలిండర్ వచ్చేలా చూసుకోవాలి.
