సాధారణంగా మన శరీరంలోని ఏదో ఒక భాగం అప్పుడప్పుడు అకస్మాత్తుగా అదురుతూ ఉంటుంది. వైద్య పరిభాషలో దీనిని సాధారణ కండరాల సంకోచం (Muscle Twitching) అని అంటారు. అయితే, భారతీయ జ్యోతిష్య మరియు అంగ సాముద్రిక శాస్త్రం ప్రకారం శరీర అవయవాలు అదరడం వెనుక భవిష్యత్తులో జరగబోయే పరిణామాలకు సంబంధించిన సంకేతాలు దాగి ఉంటాయి.
సాధారణంగా పురుషులకు కుడివైపు, స్త్రీలకు ఎడమవైపు అవయవాలు అదిరితే శుభమని చెబుతుంటారు. మరి కన్ను, పెదవి, భుజం, అరచేయి, లేదా పాదం అదిరితే ఎలాంటి ఫలితాలు కలుగుతాయి? అది లాభాన్ని తెస్తుందా లేక నష్టాన్ని సూచిస్తుందా అనే ఆసక్తికరమైన పూర్తి వివరాలు ఇక్కడ తెలుసుకోండి.
చాలా మంది ఈ రోజు నా కన్ను అదిరింది. ఏమి జరుగుతుందో అని ఆందోళన పడుతూ ఉండటం సహజమే. కొంతమంది శుభం జరుగుతుందని అంటే....మరికొంత మంది అశుభం జరుగుతుందని అంటారు. అయితే స్త్రీ, పురుషులకు సంబంధించి వారి శరీరంలోని ఏయే అవయవాలు అదరడం వలన ఎలాంటి ఫలితాలు ఎదురవుతాయో తెలుసుకుందాం.
పురుషులకు కుడి భాగమునందు, స్త్రీలకు ఎడమవైపు అవయవాలు అదిరితే వారికి మంచి ఫలితాలు ఎదురవుతాయి. అదే పురుషులకు ఎడమవైపు, స్త్రీలకు కుడివైపు అవయవాలు అదిరినచో వాటి ప్రభావం కొంచెం ఎక్కువగా ఉంటుందట. అంటే చెడు ఫలితాలు ఎక్కువగా జరుగుతాయి.
శరీరంలో ఏయే అవయవాలు అదిరితే ఎలాంటి ఫలితాలు కలుగుతాయో చూద్దాం…
తల పైభాగము – స్థిరాస్థి, భూ లాభములు
నుదురు – గృహ, మరియు స్థానవృద్ధి జరుగును
కనుబొమ్మల మధ్యన – స్నేహ లాభము, మంచి స్నేహితులు లభిస్తారు
కంటి చివర – ఇష్టమైన వస్తువులు దరిచేరుతాయి
కంటికింద – విజయము వరిస్తుంది
చెవులు- మనసుకు ఇష్టమైన మాటలు వింటారు
చెక్కిళ్ళు – స్త్రీలకు భర్త, పురుషులకు భార్య లాభము
ముక్కు- సుఖసౌఖ్యాలు
పెదవులు – మంచి భోజన వసతి
చేతులు – డబ్బు, ధాన్యము
హృదయం – విచారము
రొమ్మునందు – విజయము
భుజములు – అనుకున్నవి నెరవేరుతాయి
గొంతు- భోగభాగ్యాలు
కడుపు – ధనప్రాప్తి కలుగును
నాభి- ఒకచోటు నుండి ఇంకోచోటుకి బదిలీలు, చేసేపనిలో మార్పులు
స్థనము నందు – వాహనలాభము
వీపు – పరాజయం చవిచూస్తారు
పాదాలు – స్థానలాభము
మోకాళ్ళు – వ్యాధుల భయము
