జానపద కథల్లో చదివిన జ్ఞాపకం. ఏవేవో ఊహల లోకం ఉన్నట్టు.. అక్కడ అన్నీ
చాక్లెట్లతో కట్టిన ఇళ్లున్నట్టు.. నీలాకాశంలోని నీలినీలి మబ్బులు నీలి
ముంగురుల్ని తాకుతూ చల్లదనాన్ని పంచుతున్నట్టు.. ఒకటేమిటి? ఎనె్నన్నో
అనుభూతుల కుప్పలు. ఇది ఇహలోక వ్యవహారం కాదు - కల్పిత గాథల కలలు. కానీ -
బొలీవియాకి అతి సమీపంలోని కొల్చానీ ప్రాంతంలో ‘హోటల్ డె సాల్’కి వెళ్తే -
అచ్చంగా అటువంటి ప్రపంచం కనిపిస్తుంది. కాకపోతే ‘ఉప్పు లేందే ఏ కూరకీ రుచి
రాదన్న’ నానుడిని ఇక్కడ గోడలకి అన్వయించి - ఆ హోటల్ని సముద్ర తీరాన
‘ఉప్పు’తో నిర్మించారు. ఈ సాల్ట్ ఫ్లాట్స్కి అబ్బురపడిన పర్యాటకులు -
‘రుచి’ చూట్టానికి ఇక్కడికి తండోప తండాలుగా వచ్చేస్తున్నార్ట. ఉప్పు
కుర్చీ.. ఉప్పు టేబుల్ - ఫర్నిచర్ మొత్తం అన్నీ ‘ఉప్పు’లో వేయించినవే. ఒక్క
రాత్రికి 84 డాలర్ల వ్యయంతో ‘డబుల్ రూం’లో సాల్ట్ బెడ్పై పవళించవచ్చు.
ఉప్పులేని కూరల్ని రుచి చూడవచ్చు. ఉప్పు కాస్త తగ్గితే - గోడ గీకితే
సరిపోతుందేమో?! హిల్డాగో టూర్కి చెందిన టూర్ గైడ్ పెడ్రో పబ్లో మిఖాయెల్
రోచా ఈ హోటల్ని ‘్భలోక స్వర్గం’ అంటూ అభివర్ణిస్తాడు. ఆ మాటని
అతిశయోక్తిగా కొట్టేయలేం కూడా. మొట్టమొదటిసారి వచ్చిన వారు కొన్ని క్షణాలు
ఆశ్చర్యంలో మునిగితేలి - ఆనక మీల్స్కి ఆర్డర్ చేస్తారు.
ఒకప్పుడు ఈ ప్రాంతమంతా ‘ఉప్పు నీటి’ సెలయేళ్లు ఉండటం మూలంగా ఇక్కడ పర్యాటకుల సందడి అంతగా కనిపించేది కాదు. అడపాదడపా వచ్చి వెళ్లినా సరైన వసతి లేకపోవటంతో చూసి వెళ్లిపోతూండేవారు. ఇక్కడి ఉప్పులో ‘లిథియం’ లభ్యమవుతుందన్న సంగతి తెలిసింత్తర్వాత - వ్యాపార పరంగానూ ఈ ప్రాంతం అభివృద్ధి చెందుతూ వచ్చింది. లిథియంని బ్యాటరీలలోనూ.. మొబైల్ ఫోన్లలోనూ.. కంప్యూటర్లలోనూ.. ఎలక్ట్రిక్ కార్లలోనూ వాడతారు. ప్రపంచంలో ఉత్పత్తయ్యే ఉప్పులో సగం ఇక్కడ్నుంచీ సరఫరా అయినదే కావటం గమనార్హం. ఇక్కడ హోటల్ని నిర్మించాలంటే ‘ఉప్పు’కి మించిన సాధనం మరొకటి లేదని తలచి ఈ బృహత్తర కార్యక్రమానికి శ్రీకార చుట్టడమే కాదు - పర్యాటకుల మనసెరిగి మరీ దేశం నలుమూలల వంటకాల ‘రుచుల’ను ఇక్కడ వండి వడ్డిస్తున్నారు కూడా.
ఒకప్పుడు ఈ ప్రాంతమంతా ‘ఉప్పు నీటి’ సెలయేళ్లు ఉండటం మూలంగా ఇక్కడ పర్యాటకుల సందడి అంతగా కనిపించేది కాదు. అడపాదడపా వచ్చి వెళ్లినా సరైన వసతి లేకపోవటంతో చూసి వెళ్లిపోతూండేవారు. ఇక్కడి ఉప్పులో ‘లిథియం’ లభ్యమవుతుందన్న సంగతి తెలిసింత్తర్వాత - వ్యాపార పరంగానూ ఈ ప్రాంతం అభివృద్ధి చెందుతూ వచ్చింది. లిథియంని బ్యాటరీలలోనూ.. మొబైల్ ఫోన్లలోనూ.. కంప్యూటర్లలోనూ.. ఎలక్ట్రిక్ కార్లలోనూ వాడతారు. ప్రపంచంలో ఉత్పత్తయ్యే ఉప్పులో సగం ఇక్కడ్నుంచీ సరఫరా అయినదే కావటం గమనార్హం. ఇక్కడ హోటల్ని నిర్మించాలంటే ‘ఉప్పు’కి మించిన సాధనం మరొకటి లేదని తలచి ఈ బృహత్తర కార్యక్రమానికి శ్రీకార చుట్టడమే కాదు - పర్యాటకుల మనసెరిగి మరీ దేశం నలుమూలల వంటకాల ‘రుచుల’ను ఇక్కడ వండి వడ్డిస్తున్నారు కూడా.