బరువు పెరగడానికి కారణాలేంటని అడిగితే....నాన్స్టాప్గా నలభై కారణాలు చెప్పొచ్చు. ఆ లిస్టులో మరో కారణం కూడా చేరిపోయింది. శరీరానికి సరిపడా ఎండ తగలకపోవడం వల్ల కూడా ఊబకాయం వస్తుందని పరిశోధకులు చెబుతున్నారు. ఎండకు, బరువుకి సంబంధం ఏంటంటారా...మన శరీరంపై సూర్యకిరణాలు పడడం వల్ల డి విటమన్ వస్తుంది. మన ఒంట్లో డి విటమన్ లోపం ఉంటే కాల్షియం కూడా తక్కువైపోతుంది. ఊబకాయంతో బాధపడుతున్నవారికి కాల్షియంలోపం చాలా ఎక్కువగా ఉంటుంది. మనలో కాల్షియం లోపం లేకుండా చూసుకుంటే కాని ఊబకాయం నుంచి బయటపడలేం. కాల్షియం కావాలంటే రోజూ ఎండలో అరగంటైనా ఉండాలని అంటున్నారు వైద్యనిపుణులు. కొంచెంసేపు ఎండలో ఉండాలంటే తెగ బాధపడిపోయేవాళ్లు ఈ విషయాన్ని గమనించాలని కూడా చెబుతున్నారు.