సైక్లింగ్‌తో మోకాళ్ల నొప్పులు త గ్గుతాయా?

సైక్లింగ్ ఎక్సర్‌సైజ్ వల్ల లేదా సైకిల్ తొక్కడం వల్ల మోకాళ్లు మరింత దెబ్బతింటాయని చాలా మందిలో ఒక అపోహ ఉంది. నిజానికి మోకాళ్ల నొప్పుల నివారణకు సైక్లింగ్ చాలా మంచిది. మామూలుగా నడిచే సైకిల్ తొక్కినా, లేక ఒకే చోట స్థిరంగా ఉండే ఎక్సర్‌సైజ్ సైకిల్ తొక్కినా మీ బరువు మీ శరీరంపై పడదు. కాబట్టిమోకాళ్లపై శరీరం బరువు చాలామట్టుకు తగ్గిపోతుంది. సైక్లింగ్‌లో పెడల్ తొక్కడం వల్ల మోకాళ్లు బాగా కదిలి మంచి ఎక్సర్‌సైజ్ అవుతుంది. అయితే సైక్లింగ్ వల్ల మోకాళ్లు మరింతగా దెబ్బతింటాయేమోననే అనుమానంతో  వ్యాయామం చేస్తే... అది మీకు తగినంత సంతృప్తి ఇవ్వకపోవచ్చు. అందుకే  ఈత ట్రై చేయండి. సైక్లింగ్‌లో లాగానే ఈత (స్విమ్మింగ్)లో కూడా శరీరం బరువు మోకాళ్లపై ఏమాత్రం పడదు కాబట్టి మోకాళ్ల ఆరోగ్యానికి అది కూడా ఓ మంచి వ్యాయామమే.