జుట్టు పొడిబారుతోంది... ఏం చేయాలి?

మీ జీవనశైలిలో మార్పులు చేసుకోండి. ప్రయాణం చేసే సమయంలో దుమ్ము, ధూళి, ఎండ బారినపడకుండా జుట్టును క్యాప్‌తో లేదా మఫ్లర్‌తో కవర్ చేసుకోండి. తలంటుకోవడానికి ముందురోజు రాత్రి గోరువెచ్చని నూనెను జుట్టుకు పట్టించి మర్దనా చేసుకోండి. మంచి కండిషనర్ షాంఫూను ఉప యోగించండి. అలాగే షాంపూ చేసుకున్న తర్వాత కండిషనర్‌ను వాడండి. రోజూ పోషకాహారం మీద దృష్టిపెట్టండి. వారానికి ఒకసారైనా పెరుగు లేదా గుడ్డుతో తలకు ప్యాక్ వేసుకోండి. టెన్షన్లు తగ్గించుకోవడానికి ప్రయత్నించండి. అయినా సమస్య అలాగే ఉంటే వైద్యుని సంప్రదించి హార్మోన్ టెస్ట్ చేయించుకొని, వారి సూచనలు పాటించండి.