గుమ్మానికి మామిడి తోరణాలు కడతారెందుకు?

పండుగలు, పర్వదినాలతోపాడు వేడుకల సమయంలో కూడా ఇంటి ముఖద్వారానికి తాజా మామిడి ఆకుల తోరణాన్ని కడతారు. ఇది ఎందుకంటే... మామిడి ఆకులు నెగటివ్ ఎనర్జీని దూరం చేస్తాయని, ఇంటికి శుభాన్ని కలిగిస్తాయని విశ్వాసం. అప్పుడే చెట్టు నుంచి కోసిన తాజా ఆకుల నుంచి వెలువడే పరిమళం, పచ్చదనం, ఆక్సిజన్ పరిసరాలను ఆరోగ్యకరంగా ఉంచుతాయి. ఆరోగ్యకరమైన, సాత్వికమైన, శుభప్రదమైన ఆలోచనలను కలిగిస్తాయి. పైగా పదిమంది కలిసిన చోట తగినంత ఆక్సిజన్ అందని పరిస్థితిని అధిగమించడానికి తోడ్పడతాయి. అందుకే ఏ శుభకార్యం జరుగుతున్నా మామిడి తోరణాలను కట్టడం ఆనవాయితీగా మారింది. కంటికి హాయినిచ్చే పచ్చదనం క్రమంగా స్వాగత చిహ్నంగా స్థిరపడింది.