తదేక ధ్యానానికి నీకు శక్తి లేకపోతే మత్కర్మ పరమోభవ అంటాడు. నా కర్మలంటే, ఆలయాలు నిర్మించడం, తోటలను పెంచడం దీపాలు వెలిగించడం, పుష్పాలు సమకూర్చడం, నామ సంకీర్తనం చేయడం, అర్చించడం... ఇవన్నీ మిక్కిలి ప్రీతితో చేయాలి.
'పత్రం, పుష్పం, ఫలం, తోయం, యోమే భక్త్యా ప్రయచ్ఛతి'-'యత్కరోషి' అనే శ్లోకాల్లో మనం ఏం చేసినా, ఏం తిన్నా భగవానుడికి అర్పించే స్వీకరించాలంటాడు. ఈ విధంగా భగవంతుని నిత్యమూ అర్చించి నివేదించిన పదార్థాలనే ప్రసాదంగా మనం స్వీకరించాలని గీత బోధిస్తోంది.
