నిమ్మరసంను డైరెక్ట్ గా ముఖం మీద రాస్తే మొటిమలకు కారణం అయిన దుమ్ము,ధూళి, మలినాలు చర్మ రంద్రాల ద్వారా బయటకు పోతాయి. ఇది మొటిమలనివారణకు అత్యంత సులభమైన మరియు సమర్థవంతమైన ఇంటి చికిత్సగా చెప్పవచ్చు.
కావలసినవి
నిమ్మకాయ - 1
నీరు - అవసరమైతే
కాటన్ బాల్ - 1
తేలికపాటి సబ్బు
ఒక చిన్న గిన్నె
పద్దతి
1. తేలికపాటి సబ్బుతో ముఖాన్ని శుభ్రంగా కడిగి ఆ తర్వాత పొడి టవల్ తో శుభ్రంగా తుడుచుకోవాలి.
2. నిమ్మకాయను రెండు బాగాలుగా కోసి రసాన్ని ఒక గిన్నెలోకి తీయాలి.
3. ఈ నిమ్మరసంలో కాటన్ బాల్ ముంచి మొటిమలు ఉన్న ప్రాంతంలో రాయాలి.
4. పది నిమిషాల తర్వాత చల్లని నీటితో శుభ్రం చేయాలి.
5. ఈ విధంగా ప్రతి రోజు రెండు సార్లు చేస్తే మొటిమలు తగ్గిపోతాయి.
గమనిక: నిమ్మరసంను డైరెక్ట్ గా చర్మానికి రాసినప్పుడు ఏమైనా చికాకులు ఉంటే మాత్రం వెంటనే ముఖాన్ని చల్లని నీటితో శుభ్రం చేసుకోవాలి. అలాగే నిమ్మరసం రాసుకున్నాక ఎండలోకి వెళ్ళకూడదు. ఎందుకంటే అతినీలలోహిత కిరణాలు చర్మానికి హాని కలిగిస్తాయి.
