Hair Care Tips:ఇలా చేస్తే చాలు.. ఇంట్లోనే లాంగ్, సిల్కీ అండ్ షైనీ హెయిర్ ను మీ సొంతం చేసుకోవచ్చు.. జుట్టు పొడవుగా, సిల్కీగా, మరియు షైనీగా మెరిసిపోతూ ఉంటే ఎంత ఆకర్షణీయంగా కనిపిస్తుందో చెప్పనవసరం లేదు. అందుకే చాలామంది అలాంటి జుట్టు కోసం ఎంతో ఆసక్తిగా ఉంటారు.
ఖరీదైన కేశ సంరక్షణ ఉత్పత్తులను కొనుగోలు చేసి ఉపయోగిస్తారు. తరచూ సెలూన్‌కు వెళ్లి వివిధ రకాల హెయిర్ ట్రీట్‌మెంట్లు చేయించుకుంటారు. జుట్టు కోసం వేల రూపాయలు ఖర్చు చేస్తారు. కానీ, ఇప్పుడు చెప్పబోయే సరళమైన హెయిర్ మాస్క్‌తో ఇంట్లోనే సులభంగా పొడవైన, సిల్కీ, షైనీ జుట్టును సొంతం చేసుకోవచ్చు.
దీని కోసం ముందుగా మిక్సీ జార్ తీసుకుని, అందులో ఒక అరటిపండును ముక్కలుగా కట్ చేసి వేయాలి. అలాగే అర కప్పు తాజా కొబ్బరి పాలు పోసి మెత్తగా గ్రైండ్ చేయాలి. ఈ మిశ్రమంలో ఒక టేబుల్ స్పూన్ అలోవెరా జెల్, ఒక గుడ్డు సొన (ఎగ్ వైట్) వేసి బాగా కలపాలి. ఇలా తయారైన మిశ్రమాన్ని జుట్టు కుదుళ్ల నుండి చివర్ల వరకు జాగ్రత్తగా అప్లై చేసి, షవర్ క్యాప్ ధరించాలి.
ఒక గంట తర్వాత మైల్డ్ షాంపూతో జుట్టును శుభ్రంగా కడగాలి. వారానికి ఒకసారి ఈ సాధారణ మాస్క్‌ను ఉపయోగిస్తే అనేక ప్రయోజనాలు పొందవచ్చు. ఈ మాస్క్ జుట్టుకు అద్భుతమైన పోషణ అందిస్తుంది. అరటిపండు, కొబ్బరి పాలు, గుడ్డు సొన, అలోవెరా జెల్—ఇవన్నీ జుట్టు ఎదుగుదలను ప్రోత్సహిస్తాయి మరియు జుట్టు రాలడాన్ని నివారిస్తాయి.
ఈ మాస్క్ జుట్టును సిల్కీగా, మెరిసేలా చేస్తుంది. వారానికి ఒకసారి ఈ మాస్క్‌ను ప్రయత్నించడం వల్ల జుట్టు బ్రేకేజ్ తగ్గుతుంది, జుట్టు ఆరోగ్యంగా మరియు దృఢంగా మారుతుంది.
కాబట్టి, పొడవైన, సిల్కీ, షైనీ జుట్టును కోరుకునేవారు తప్పకుండా ఈ హెయిర్ మాస్క్‌ను ప్రయత్నించండి.
