Lord Lakshmi:భారతీయ సంప్రదాయంలో శ్రీ మహాలక్ష్మిని సంపద, ఐశ్వర్యానికి అధిష్టాన దేవతగా ఆరాధిస్తాం. జ్యోతిష్యం, వాస్తు శాస్త్రాల ప్రకారం, లక్ష్మీదేవి అనుగ్రహం ఉన్నవారికి ఆర్థిక సమస్యలు ఎదురవవు. ఆమె కటాక్షం ఉన్నవారికి కొన్ని ప్రత్యేక సంకేతాలు కనిపిస్తాయని నమ్ముతారు. ఈ సంకేతాలు కనిపిస్తే, మనం సంపద సమృద్ధిగా సంపాదించే మార్గంలో ఉన్నామని అర్థం. ఈ సంకేతాలు ఏమిటో తెలుసుకుందాం.
వాస్తు శాస్త్రం ప్రకారం, ఆర్థికంగా ఎదగబోయే వారికి కొన్ని విశిష్ట సూచనలు కనిపిస్తాయి. ఇవి దైవానుగ్రహానికి గుర్తుగా భావిస్తారు. అలాంటి సంకేతాలు జీవితంలో కనిపిస్తే, మంచి కార్యక్రమాలపై దృష్టి పెట్టి, వాటిని మరింత బలోపేతం చేసుకోవాలి.
డబ్బు సమృద్ధిగా రావాలని కోరుకునేవారు ప్రతిరోజూ స్నానం చేసిన తర్వాత శుద్ధమైన మనస్సుతో శ్రీ మహాలక్ష్మిని పూజించాలి. పూలు, దీపం, నైవేద్యంతో ఆమెను సంతోషపరచడం ద్వారా శాంతి, ఐశ్వర్యం, శుభం కలుగుతాయని వేదాలు చెబుతున్నాయి. ఆ దేవి అనుగ్రహం లభిస్తే, జీవితంలో అడ్డంకులు తొలగిపోతాయి.
శ్రీ మహాలక్ష్మికి వాహనంగా పరిగణించే గుడ్లగూబ ఇంటి సమీపంలో అనుకోకుండా కనిపిస్తే, అది ఆర్థిక లాభానికి సంకేతంగా భావిస్తారు. ఇది అజ్ఞానాన్ని తొలగించి, సంపదను ఆకర్షించే శుభ సూచనగా చూస్తారు.
ఉదయం లేదా సాయంత్రం శంఖం ధ్వని వినిపిస్తే, అది ఆర్థిక ఉన్నతికి సంకేతంగా భావించవచ్చు. శంఖం సముద్ర మథనంలో ఉద్భవించిన పవిత్ర వస్తువు. అందుకే ఇది శ్రీ మహాలక్ష్మికి ఇష్టమైనదిగా, పూజలలో ప్రముఖమైనదిగా ఉంటుంది.
భారతీయ సంప్రదాయంలో పిచ్చుకను శుభం, మంచితనం, తెలివితేటలకు చిహ్నంగా భావిస్తారు. ఏ ఇంట్లోనైనా పిచ్చుక వచ్చి కూర్చుంటే, ఆ ఇంటివారిపై లక్ష్మీదేవి కృప ఉంటుందని నమ్ముతారు.
కలలో కమలం పుష్పం కనిపిస్తే, అది సంపద, శాంతి, విజయం రాబోతున్నాయని సూచిస్తుంది. కమలం శ్రీ మహాలక్ష్మికి అత్యంత ఇష్టమైన పుష్పం. అందుకే ఈ పుష్పం కలలో కనిపిస్తే శుభ సంకేతంగా పరిగణిస్తారు.
