Tortoise Vastu benefits:తాబేలును ఇంట్లో పెంచుకుంటున్నారా.. ఇలా చేస్తే మీ ఇంట్లో డబ్బుకు లోటు ఉండదు.. ఇంట్లో తాబేలు పెంచుకోవడం వల్ల నెగెటివ్ ఎనర్జీని తొలగించే గుణాలు లభిస్తాయని, సానుకూల వాతావరణం నెలకొంటుందని నమ్ముతారు. తాబేలును ఇంట్లో దేవతలు ఉంచే పూజా గదిలోనే పెట్టాలి. రోజూ తాబేలును ఉంచే గాజు పాత్రలోని నీటిని మార్చి, అందులో తులసి ఆకు వేయాలి. బయటకు వెళ్ళే ముందు తాబేలును చూస్తే దోషాలు తొలగిపోతాయని చెబుతారు. అదనంగా, తాబేలు దగ్గర నెయ్యితో దీపం వెలిగిస్తే సంపదను ఆకర్షిస్తుందని, ఆ ప్రదేశంలో సానుకూల శక్తి నెలకొంటుందని నమ్మకం.
వాస్తు శాస్త్రం ప్రకారం, తాబేలు లేదా దాని చిత్రాన్ని ఉత్తర దిశలో ఉంచడం శుభం, ఎందుకంటే ఈ దిశ లక్ష్మీదేవికి సంబంధించినదిగా భావిస్తారు. ఇలా చేయడం వల్ల సంపద పెరుగుతుంది, శత్రువుల ప్రభావం తగ్గుతుంది. ఇంటి లేదా దుకాణం ప్రధాన ద్వారం వద్ద తాబేలు చిత్రం ఉంచితే సంపద, వ్యాపార విజయం లభిస్తాయని చెబుతారు. డబ్బు సమస్యలు ఎదుర్కొంటున్న వారు క్రిస్టల్ తాబేలును ఇంట్లో ఉంచితే మంచి ఫలితాలు వస్తాయని నమ్మకం. తాబేలును ఇత్తడి లేదా అష్టధాతుతో చేసిన పాత్రలో నీటితో ఉంచాలి.
గమనిక: ఈ సమాచారం మతపరమైన నమ్మకాలు, పండితుల సూచనల ఆధారంగా అందించబడింది. ఇందులో శాస్త్రీయ ఆధారాలు లేవని పాఠకులు గమనించాలి. ఈ సమాచారాన్ని telugulifestyle ధృవీకరించలేదు.
