Multivitamin karam podi:టిఫిన్స్ లోకి అన్నంలోకి ఎంతో రుచిగా ఉండే మల్టీవిటమిన్ కారం పొడి.. రోజూ ఒక్క ముద్ద దీంతో తింటే రోగాలు దరిచేరవు.. ఆధునిక జీవనశైలిలో సరైన సమయానికి భోజనం చేయడం కూడా కష్టంగా మారింది. పోషకాలతో కూడిన ఆహారం తీసుకోవడం అంటే ఇంకా పెద్ద సవాలు. విటమిన్లు, మినరల్స్ కోసం చాలామంది సప్లిమెంట్లపై ఆధారపడుతున్నారు.
అయితే, మన వంటింట్లోనే, మన పూర్వీకులు ఉపయోగించిన పదార్థాలతో అద్భుతమైన పోషకాల గనిని తయారు చేసుకోవచ్చని మీకు తెలుసా? అదే మల్టీవిటమిన్ కారం పొడి! ఈ పొడి కేవలం రుచికి మాత్రమే కాకుండా, ఆరోగ్యానికి సంజీవనిలా పనిచేస్తుంది. ఇంట్లోనే సులభంగా ఈ కారం పొడిని ఎలా తయారు చేసుకోవాలో ఇక్కడ తెలుసుకోండి.
తయారీకి కావాల్సిన పదార్థాలు
- గుమ్మడి గింజలు
- పుచ్చ గింజలు
- నువ్వులు
- ధనియాలు
- జీలకర్ర
- ఎండుమిర్చి
- నూనె
- కరివేపాకు
- ఉప్పు
- పసుపు
- ఆమ్చూర్ పౌడర్ (లేదా ఉసిరికాయ పొడి)
- వెల్లుల్లి
తయారీ విధానం
స్టవ్ మీద పాన్ పెట్టి, అందులో 75 గ్రాముల (సుమారు అర కప్పు) గుమ్మడి గింజలు వేసి, తక్కువ మంటపై లేత రంగు వచ్చే వరకు వేయించి, ఒక ప్లేట్‌లోకి తీసుకోండి.అదే పాన్‌లో అర కప్పు పుచ్చ గింజలు వేసి, లేత రంగు వచ్చే వరకు వేయించి, ప్లేట్‌లోకి తీసుకోండి.
అదే పాన్‌లో అర కప్పు నువ్వులు వేసి, తక్కువ మంటపై చిటపటలాడే వరకు వేయించి, ప్లేట్‌లోకి తీసుకోండి.అర కప్పు అవిసె గింజలను పాన్‌లో వేసి, తక్కువ మంటపై 2 నిమిషాలు వేయించి, ప్లేట్‌లోకి తీసుకోండి.
పాన్‌లో 1 టీస్పూన్ నూనె వేసి కాగిన తర్వాత, 20 గ్రాముల (పావు కప్పు కంటే కొంచెం ఎక్కువ) ధనియాలు వేసి లేత రంగు వచ్చే వరకు వేయించండి. ఇందులో 2 టేబుల్ స్పూన్ల జీలకర్ర వేసి, మరో 2 నిమిషాలు వేయించి పక్కన పెట్టండి.
పాన్‌లో 1 టీస్పూన్ నూనె వేసి, కాగిన తర్వాత 20 గ్రాముల (ముప్పావు కప్పు) ఎండుమిర్చి ముక్కలను వేసి, తక్కువ మంటపై కరకరలాడే వరకు వేయించి, ప్లేట్‌లోకి తీసుకోండి.శుభ్రంగా కడిగి, తడి ఆరిన 1 కప్పు కరివేపాకును నూనె లేకుండా పాన్‌లో వేసి, క్రిస్పీగా అయ్యే వరకు వేయించి, స్టవ్ ఆపేసి, ప్లేట్‌లోకి తీసుకోండి.
వేయించిన పదార్థాలన్నీ చల్లారిన తర్వాత, మిక్సీ జార్‌లో వేయండి. ముందుగా ధనియాలు, జీలకర్ర, ఎండుమిర్చి, కరివేపాకు వేసి, తగినంత ఉప్పు, పావు టీస్పూన్ పసుపు వేసి కొద్దిగా గ్రైండ్ చేయండి. తర్వాత అవిసె, పుచ్చ, గుమ్మడి గింజలను వేసి మెత్తని పొడిగా గ్రైండ్ చేయండి. ఆ తర్వాత 35 గ్రాముల (పావు కప్పు) పొట్టు తీసిన వెల్లుల్లి రెబ్బలను వేసి, పల్స్ మోడ్‌లో ఒకసారి గ్రైండ్ చేయండి. వెల్లుల్లి కొంచెం కచ్చాపచ్చాగా ఉంటే మంచి రుచి వస్తుంది.
గ్రైండ్ చేసిన పొడిని ప్లేట్‌లోకి తీసి, 2 టేబుల్ స్పూన్ల ఆమ్చూర్ పౌడర్ (లేదా ఉసిరికాయ పొడి) వేసి, అన్నీ బాగా కలిసేలా కలపండి.ఈ పొడిని గాజు సీసాలో నింపి బయట పెట్టుకుంటే నెల రోజుల పాటు ఫ్రెష్‌గా ఉంటుంది. ఫ్రిడ్జ్‌లో నిల్వ చేస్తే మరింత ఎక్కువ కాలం ఉంటుంది.
ఈ మల్టీవిటమిన్ కారం పొడిని రోజూ ఒక ముద్ద అన్నంతో తింటే, ఆరోగ్యం మెరుగవుతుంది, రోగనిరోధక శక్తి పెరుగుతుంది!
