Garlic:వెల్లుల్లి రెబ్బలను నేరుగా తినలేకపోతున్నారా? అయితే ఇలా తినండి.. అనేక ఆరోగ్య లాభాలు కలుగుతాయి..వెల్లుల్లిని మనం రోజూ వంటల్లో వేస్తూనే ఉంటాం. దీని వల్ల వంటకాలకు అద్భుతమైన రుచి, వాసన వస్తాయి. మసాలా లేదా నాన్‌వెజ్ వంటకాల్లో, ఇతర కూరల్లోనూ వెల్లుల్లిని ఎక్కువగా ఉపయోగిస్తారు. అయితే ఆయుర్వేదం ప్రకారం వెల్లుల్లి ఎన్నో ఔషధ గుణాలను కలిగి ఉంటుంది.
ఇది మనకు అనేక ఆరోగ్య ప్రయోజనాలను అందిస్తుంది. పచ్చిగా నేరుగా తింటే మరిన్ని లాభాలు కలుగుతాయని ఆయుర్వేద నిపుణులు చెబుతారు. కానీ వెల్లుల్లి ఘాటుగా ఉండటం వల్ల నేరుగా తినడం కష్టం. అయితే పెనంపై కాస్త వేయించి తింటే రుచిగా ఉండటమే కాక, సులభంగా తినవచ్చు. వేయించినా కూడా ఎన్నో లాభాలు ఉంటాయి.
రోజూ 2 నుంచి 4 వెల్లుల్లి రెబ్బలను పెనంపై వేయించి, ఉదయం ఖాళీ కడుపుతో తినండి. ఇలా చేయడం వల్ల అనేక ఆరోగ్య ప్రయోజనాలు లభిస్తాయి. పలు వ్యాధులను కూడా నయం చేసుకోవచ్చు.
కొలెస్ట్రాల్ సమస్య ఉన్నవారికి..
వేయించిన వెల్లుల్లి రెబ్బలు తినడం వల్ల శరీరంలో కొలెస్ట్రాల్ స్థాయిలు తగ్గుతాయి. రక్త ప్రసరణ మెరుగవుతుంది. దీంతో బీపీ తగ్గుతుంది. హై బీపీ ఉన్నవారికి ఇవి చాలా మేలు చేస్తాయి. చెడు కొలెస్ట్రాల్ తగ్గి, మంచి కొలెస్ట్రాల్ పెరుగుతుంది. రక్తనాళాల్లోని అడ్డంకులు తొలగిపోతాయి. హార్ట్ ఎటాక్ రాకుండా కాపాడుకోవచ్చు.
గుండె ఆరోగ్యంగా ఉంటుంది. అధిక కొలెస్ట్రాల్ ఉన్నవారికి వెల్లుల్లి రెబ్బలు ఎంతో ఉపయోగకరం. రోజూ ఉదయం వేయించి తినడం వల్ల రోగ నిరోధక శక్తి పటిష్టమవుతుంది. సీజనల్ వ్యాధులు – దగ్గు, జలుబు, ముక్కు దిబ్బడ, ఫ్లూ వంటివి తగ్గుతాయి. వెల్లుల్లిలోని ఆల్లిసిన్ సహజ యాంటీబయోటిక్‌గా పనిచేస్తుంది. ఇన్ఫెక్షన్లు తగ్గుతాయి. బ్యాక్టీరియా, వైరస్‌లు నశిస్తాయి. మొత్తంగా ఆరోగ్యంగా ఉంటాం.
లివర్ ఆరోగ్యానికి..
వెల్లుల్లి రెబ్బల్లో సల్ఫర్ సమ్మేళనాలు ఉంటాయి. ఇవి లివర్ ఆరోగ్యాన్ని మెరుగుపరుస్తాయి. లివర్‌లోని వ్యర్థాలు సులభంగా బయటకు వెళ్తాయి. లివర్ శుభ్రంగా, పనితీరు మెరుగవుతుంది. శరీరంలోని టాక్సిన్లు కూడా తొలగిపోతాయి. జీర్ణవ్యవస్థ మెరుగవుతుంది. పురుగులు, క్రిములు నశిస్తాయి. యాంటీఆక్సిడెంట్లు, యాంటీ ఇన్‌ఫ్లమేటరీ గుణాల వల్ల ఆక్సీకరణ ఒత్తిడి, వాపులు తగ్గుతాయి. ముఖ్యంగా ఆర్థరైటిస్ ఉన్నవారికి కీళ్ల నొప్పులు, వాపుల నుంచి ఉపశమనం లభిస్తుంది.
జాగ్రత్తలు తప్పనిసరి..
వేయించడం వల్ల ఘాటు తగ్గుతుంది, తినడం సులభమవుతుంది. కానీ ఆల్లిసిన్ శాతం కొంచెం తగ్గుతుంది. పచ్చిగా 2 రెబ్బలు తింటే చాలు, వేయించినవి అయితే 4 తినాలి. పోషకాలు కోల్పోకుండా ఉండాలి. నేరుగా తినలేనివారు బ్రేక్‌ఫాస్ట్‌లో కలిపి తినవచ్చు. ఖాళీ కడుపుతో తింటే కొందరికి గ్యాస్, కడుపు మంట, వేడి వచ్చే అవకాశం ఉంది. అలాంటివారు తినకూడదు. ఈ జాగ్రత్తలు పాటిస్తూ వెల్లుల్లి రెబ్బలు తింటే అనేక లాభాలు పొందవచ్చు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
