Business Ideas:రూ. 10 వేల పెట్టుబడి.. రూ. 2.5 లక్షల ఆదాయం! ఈ 'బుజ్జి' బిజినెస్ గురించి మీకు తెలుసా?
తక్కువ ఖర్చు.. ఎక్కువ లాభం! కేవలం రోజుకు 2 గంటల సమయం కేటాయిస్తే చాలు.. ఏడాదికి లక్షల్లో ఆదాయం మీ సొంతం.
ఏదైనా తక్కువ పెట్టుబడితో బిజినెస్ స్టార్ట్ చేయాలనుకుంటున్నారా? అయితే ఈ 'ఎవర్గ్రీన్ బిజినెస్' మీ కోసమే. అదే గునియా పిగ్స్ (Guinea Pigs) పెంపకం. చూడటానికి అందంగా ఉండే ఈ బుజ్జి జంతువుల పెంపకం ద్వారా చక్కటి లాభాలు ఎలా పొందవచ్చో ఇప్పుడు చూద్దాం.
ఏంటి ఈ గునియా పిగ్స్?
ఇవి ఎలుక జాతికి (Rodents) చెందినవి. వీటిని 'కేవి' అని కూడా పిలుస్తారు. ఇవి చూడటానికి చాలా క్యూట్గా ఉండి, అస్సలు అల్లరి చేయవు. అందుకే వీటిని పెంచుకోవడానికి (Pets) జనం ఇష్టపడతారు. 5000 BC నుంచే వీటి పెంపకం ఉంది. పరిశోధనల కోసం, మాంసం కోసం కూడా వీటిని వినియోగిస్తారు.
పెంచడం చాలా ఈజీ!
హౌసింగ్: వీటిని పెంచడానికి పెద్ద స్థలం అక్కర్లేదు. బోనుల్లో (Cages) లేదా ఇంట్లోనే ఒక గదిలో ఫెన్సింగ్ వేసి పెంచవచ్చు.
ఆహారం: వీటికి ఖరీదైన దాణా అవసరం లేదు. గడ్డి (టిమోతీ, అల్ఫాల్ఫా గ్రాస్) అంటే చాలా ఇష్టం. కొత్తిమీర, పాలకూర, మొక్కజొన్న, అరటిపండు వంటివి కూడా తింటాయి. సరైన ఆహారం, శుభ్రత ఉంటే వీటికి రోగాలు రావు.
బ్రీడింగ్.. లాభాల పంట!
గునియా పిగ్స్ స్పెషాలిటీ ఏంటంటే.. ఇవి చాలా త్వరగా వృద్ధి చెందుతాయి.బ్రీడింగ్ కోసం 1 మగ గునియా పిగ్కు 3 ఆడ గునియా పిగ్స్ ఉండాలి. 3-4 నెలల వయసు నుంచే బ్రీడింగ్ స్టార్ట్ చేయవచ్చు.
కేవలం 65-70 రోజుల్లోనే ఇవి పిల్లలను పెడతాయి. ఒక్కోటి 4 పిల్లల వరకు ఇస్తుంది.ఇలా ఏడాదికి 5 సార్లు పిల్లలను ఉత్పత్తి చేయగలవు.
లెక్కలు చూద్దామా? (Business Plan)
పెట్టుబడి: కేవలం రూ. 10,000 లోపు.
స్టార్టింగ్: 5 మగ, 16 ఆడ గునియా పిగ్స్తో (సుమారు రూ. 500 జత) మొదలుపెట్టవచ్చు.
గ్రోత్: మొదటి బ్యాచ్లో 16 ఆడ గునియా పిగ్స్ ద్వారా సుమారు 64 పిల్లలు పుడతాయి.
టర్నింగ్ పాయింట్: వీటిని మళ్ళీ బ్రీడింగ్కు వాడితే.. మూడో బ్యాచ్ వచ్చేసరికి మీ దగ్గర సుమారు 600 పిల్లలు (300 జతలు) ఉంటాయి.
ఆదాయం ఎంత?
హోల్ సేల్: లోకల్ పెట్ షాప్స్కు జత రూ. 400 చొప్పున అమ్మినా, ఒక బ్యాచ్పై రూ. 1,20,000 ఆదాయం వస్తుంది.
రీటైల్: నేరుగా పెట్స్గా అమ్మితే జతకు రూ. 600 వరకు పొందవచ్చు.
ఫైనల్ రిజల్ట్: ఖర్చులు పోను, రోజుకు 2-3 గంటల సమయం కేటాయిస్తే.. ఏడాదికి సులభంగా రూ. 2.5 లక్షల వరకు జేబులో వేసుకోవచ్చు.
గమనిక: మార్కెటింగ్పై పట్టు పెంచుకుని, పెట్ షాప్స్తో మంచి సంబంధాలు కొనసాగిస్తే ఇందులో తిరుగులేని ఆదాయం పొందవచ్చు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
