.webp "henna tips")
గోరింటాకు మరకలు వదలడం లేదా? కేవలం 2 నిమిషాల్లో మాయం చేసే అద్భుతమైన చిట్కాలు!
పండగలు, పెళ్లిళ్లు వచ్చాయంటే చాలు.. అమ్మాయిల చేతులు మెహందీతో మెరిసిపోవాల్సిందే. అయితే పెట్టుకున్నప్పుడు ఉన్న ఉత్సాహం, ఆ రంగు వెలిసిపోతున్నప్పుడు ఉండదు.
సగం పోయి, సగం పోని ఆ గోరింటాకు మచ్చలు చేతులను కాస్త అసహ్యంగా మార్చేస్తాయి. వీటిని వదిలించుకోవడానికి మార్కెట్లో దొరికే ఖరీదైన రిమూవర్లు వాడాల్సిన పనిలేదు. మన వంటింట్లో ఉండే వస్తువులతోనే కేవలం 2 నిమిషాల్లో ఆ మొండి మచ్చలకు గుడ్ బై చెప్పేయవచ్చు. ఆ నేచురల్ టిప్స్ ఏంటో ఇప్పుడు చూద్దాం..
1. నిమ్మరసం - బేకింగ్ సోడా మ్యాజిక్
మెహందీ రంగును వదిలించడంలో నిమ్మరసం అద్భుతంగా పనిచేస్తుంది.
ఎలా చేయాలి?: ఒక గిన్నెలో సరిపడా నిమ్మరసం తీసుకుని, అందులో ఒక టేబుల్ స్పూన్ బేకింగ్ సోడా కలపండి.దీన్ని పేస్ట్లా చేసి మచ్చలున్న చోట రాయండి.
రెండు నిమిషాల తర్వాత గోరువెచ్చని నీటితో కడిగేయండి. బేకింగ్ సోడాలోని బ్లీచింగ్ గుణాలు రంగును త్వరగా తొలగిస్తాయి.
2. ఆలివ్ ఆయిల్ & ఉప్పు
చర్మంపై రంగును వదిలించడంతో పాటు చర్మాన్ని మృదువుగా ఉంచడానికి ఇది బెస్ట్ చిట్కా. ఆలివ్ ఆయిల్లో కొంచెం ఉప్పు కలిపి మచ్చల మీద మృదువుగా స్క్రబ్ చేయండి. ఇలా చేయడం వల్ల చర్మ రంధ్రాల్లో పేరుకుపోయిన రంగు సులభంగా బయటకు వచ్చేస్తుంది.
3. టూత్ పేస్ట్ ప్రయోగం
చాలామందికి తెలియని విషయం ఏమిటంటే, మనం వాడే టూత్ పేస్ట్ కూడా మెహందీ మచ్చలను వదిలిస్తుంది. గోరింటాకు మచ్చలు ఉన్న చోట కొంచెం టూత్ పేస్ట్ రాసి ఆరనివ్వండి.
పూర్తిగా ఆరిన తర్వాత తడి గుడ్డతో తుడిచేస్తే రంగు చాలా వరకు తగ్గిపోతుంది.
4. గోరువెచ్చని నీరు
గోరింటాకు రంగు సహజంగా పోవాలంటే కనీసం రెండు వారాలు పడుతుంది. కానీ మీరు రోజుకు 3-4 సార్లు గోరువెచ్చని నీటిలో చేతులను కాసేపు నానబెడితే, చర్మ కణాలు త్వరగా పునరుద్ధరించబడి రంగు వేగంగా వెలిసిపోతుంది.
చిన్న సూచన: ఈ చిట్కాలు పాటించిన తర్వాత చర్మం పొడిబారకుండా ఉండటానికి మంచి మాయిశ్చరైజర్ లేదా కొబ్బరి నూనె రాసుకోవడం మర్చిపోకండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
.webp)
