Guava Peel:జామపండు తొక్కతో తింటున్నారా? అయితే మీరు ఈ నిజాలు కచ్చితంగా తెలుసుకోవాల్సిందే..!
పేదవాడి ఆపిల్గా పిలిచే జామపండు (Guava) ఆరోగ్యానికి చేసే మేలు అంతా ఇంతా కాదు. ఇందులో విటమిన్-C, A, B, K లతో పాటు రోగనిరోధక శక్తిని పెంచే అనేక పోషకాలు పుష్కలంగా ఉంటాయి. అయితే, చాలామందికి వచ్చే ఒకే ఒక్క డౌట్.. జామపండును తొక్కతో తినాలా? లేక తొక్క తీసేసి తినాలా?
ఈ విషయంపై ప్రముఖ పోషకాహార నిపుణురాలు దీప్శిఖ పలు ఆసక్తికరమైన విషయాలను వెల్లడించారు. మీ శరీర తత్వాన్ని బట్టి జామపండును ఎలా తినాలో ఇక్కడ తెలుసుకుందాం.
తొక్కతో తింటే ఏమవుతుంది? సాధారణంగా జామపండును తొక్కతో సహా తినడమే ఆరోగ్యానికి చాలా మంచిదని నిపుణులు చెబుతున్నారు. జామ తొక్కలో పొటాషియం, జింక్, విటమిన్-C వంటి ముఖ్యమైన సూక్ష్మపోషకాలు మెండుగా ఉంటాయి. ఇవి జీర్ణక్రియను మెరుగుపరచడంతో పాటు, శరీరంలో వాపులను తగ్గిస్తాయి.
వీరు మాత్రం తొక్క తీసే తినాలి! అందరికీ తొక్కతో తినడం మంచిదే అయినా, కొన్ని అనారోగ్య సమస్యలు ఉన్నవారు మాత్రం జామపండును తొక్క తీసి తినాలని నిపుణులు సూచిస్తున్నారు.
షుగర్, బీపీ పేషెంట్లు: అధిక రక్తపోటు (BP), మధుమేహం (Diabetes) మరియు కొలెస్ట్రాల్ సమస్యలు ఉన్నవారు జామపండు తొక్క తీసి తినడం ఉత్తమం. ఇలా చేయడం వల్ల రక్తంలో చక్కెర స్థాయిలు త్వరగా అదుపులోకి వస్తాయని కొన్ని పరిశోధనలు చెబుతున్నాయి.
వృద్ధులు: వయసు పైబడిన వారు జామపండు తినేటప్పుడు తొక్క తీసి తినడం వల్ల త్వరగా జీర్ణమవుతుంది.
పచ్చి జామ మంచిదా? పండిన జామ మంచిదా?
పచ్చి జామకాయ (Raw Guava): షుగర్ వ్యాధిగ్రస్తులకు పచ్చి జామకాయ ఒక వరం లాంటిది. బరువు తగ్గాలనుకునే వారికి, దంతాలు దృఢంగా ఉండాలనుకునే వారికి కూడా ఇది బెస్ట్ ఆప్షన్.
పండిన జామపండు (Ripe Guava): ఇది మృదువుగా, తియ్యగా ఉంటుంది కాబట్టి చిన్న పిల్లలు, వృద్ధులు ఇష్టంగా తింటారు. ఇది సులభంగా జీర్ణమవ్వడంతో పాటు, ఇందులో ఉండే యాంటీ ఆక్సిడెంట్లు శరీరానికి తక్షణ శక్తిని ఇస్తాయి.
చివరి మాట: జామపండులో ఉండే ఫ్లేవనాయిడ్లు, పాలీఫెనాల్స్ గుండెను పదిలంగా ఉంచుతాయి. అయితే, ప్రతి ఒక్కరి ఆరోగ్య పరిస్థితి ఒకేలా ఉండదు కాబట్టి, మీకు ఉన్న ఆరోగ్య సమస్యలను బట్టి (షుగర్ ఉంటే పచ్చిది/తొక్క తీసి, ఆరోగ్యంగా ఉంటే తొక్కతో) ఆహారంలో చేర్చుకోవడం ఉత్తమం.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
