Window AC vs Split AC: విండో ఏసీ vs స్ప్లిట్ ఏసీ.. మీ గదికి ఏది బెస్ట్? ఈ విషయాలు తెలియకుండా కొనకండి! సమ్మర్ వచ్చేసింది.. కొత్త ఏసీ కొందామని అనుకుంటున్నారా? విండో ఏసీ, స్ప్లిట్ ఏసీలలో ఏది బెటర్? కరెంటు బిల్లు దేనికి తక్కువ వస్తుంది? పూర్తి వివరాలు ఇక్కడ చూడండి.
ఎండాకాలం వచ్చేసింది.. ఉక్కపోత, ఎండ వేడి నుంచి బయటపడటానికి కొత్తగా ఏసీ (Air Conditioner) కొనాలనుకుంటున్నారా? అయితే మార్కెట్కి వెళ్లగానే అందరికీ ముందుగా ఎదురయ్యే అతిపెద్ద కన్ఫ్యూజన్.. విండో ఏసీ (Window AC) తీసుకోవాలా? లేదా స్ప్లిట్ ఏసీ (Split AC) తీసుకోవాలా? అని.
చూడటానికి రెండు చల్లటి గాలినే ఇచ్చినా, వీటి పనితీరు, ధర మరియు మెయింటెనెన్స్లో చాలా తేడాలు ఉంటాయి. మీ బడ్జెట్, మీ గది వాతావరణం బట్టి ఏది కొంటే బెస్ట్ అనేది ఇప్పుడు పాయింట్ టు పాయింట్ చూద్దాం.
విండో ఏసీ (Window AC) లాభనష్టాలు:
సాధారణంగా ఒకే యూనిట్లో కంప్రెషర్, కూలింగ్ కాయిల్స్ అన్నీ కలిపి ఉండేదే విండో ఏసీ.
లాభాలు: స్ప్లిట్ ఏసీలతో పోలిస్తే వీటి ధర చాలా తక్కువగా ఉంటుంది. ఇన్స్టాలేషన్ చాలా సులభం, అలాగే ఏటా మెయింటెనెన్స్ ఖర్చులు కూడా తక్కువే. అద్దె ఇళ్లలో ఉండేవాళ్లకు షిఫ్ట్ చేసుకోవడానికి ఇది చాలా కంఫర్ట్గా ఉంటుంది.
నష్టాలు: కంప్రెషర్ మీ గదిలోనే (కిటికీ దగ్గర) ఉండటం వల్ల కొంచెం శబ్దం (Noise) వస్తుంది. పైగా మీ గదికి కచ్చితంగా ఒక కిటికీ ఉండాలి, లేకపోతే గోడకు పెద్ద రంధ్రం చేయాల్సి వస్తుంది. డిజైన్ పరంగా కొంచెం పాత మోడల్ లా కనిపిస్తుంది.
స్ప్లిట్ ఏసీ (Split AC) లాభనష్టాలు:
ఇందులో రెండు యూనిట్లు ఉంటాయి. చల్లటి గాలినిచ్చే ఇండోర్ యూనిట్ గది లోపల ఉంటే.. శబ్దం చేసే కంప్రెషర్ (అవుట్డోర్ యూనిట్) గది బయట ఉంటుంది.
లాభాలు: గదిలో ఎలాంటి శబ్దం లేకుండా (సౌండ్ లెస్ ఆపరేషన్) ప్రశాంతంగా నిద్రపోవచ్చు. గదిలో కిటికీ లేకపోయినా గోడకు ఎక్కడైనా అమర్చుకోవచ్చు. చూడటానికి మోడ్రన్ లుక్తో మీ ఇంటి ఇంటీరియర్ను మరింత పెంచుతుంది. గది మొత్తానికి కూలింగ్ చాలా వేగంగా అందుతుంది.
నష్టాలు: విండో ఏసీల కంటే వీటి ధర సుమారు రూ. 5000 నుండి రూ. 10000 వరకు ఎక్కువగా ఉంటుంది. ఇన్స్టాలేషన్ ప్రాసెస్ కొంచెం కష్టం, సర్వీసింగ్ ఖర్చులు కూడా ఎక్కువే ఉంటాయి.
ఫైనల్ గా మీ గదికి ఏది బెస్ట్?
మీ బడ్జెట్ తక్కువగా ఉండి, మీది చిన్న గది (100-120 sq ft) అయితే.. అలాగే మీ గదికి కచ్చితంగా కిటికీ ఉంటే 'విండో ఏసీ' బెస్ట్ ఆప్షన్. మీ డబ్బు బాగా ఆదా అవుతుంది.
అదే మీ గది పెద్దదిగా ఉండి, మీకు ఎలాంటి శబ్దం లేకుండా ప్రశాంతత కావాలంటే.. ఇంటికి మోడ్రన్ లుక్ కూడా ముఖ్యం అనుకుంటే బడ్జెట్ కొంచెం ఎక్కువైనా సరే 'స్ప్లిట్ ఏసీ' కే ఓటు వేయండి.
చిన్న టిప్: మీరు ఏ మోడల్ ఏసీ తీసుకున్నా సరే కరెంటు బిల్లు తక్కువ రావాలంటే కచ్చితంగా 'ఇన్వర్టర్ (Inverter) టెక్నాలజీ' ఉన్న ఏసీలనే ఎంచుకోండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
