ఒకప్పుడు కేవలం చలికాలంలోనే వేధించే పాదాల పగుళ్ల (Cracked Heels) సమస్య.. ఇప్పుడు మారిన జీవనశైలి, కాలుష్యం కారణంగా కాలంతో సంబంధం లేకుండా అందరినీ ఇబ్బంది పెడుతోంది.
వయసుతో సంబంధం లేకుండా చాలామంది ఈ సమస్యతో బాధపడుతున్నారు. పగుళ్లు రావడం వల్ల పాదాలు అందవిహీనంగా మారడమే కాకుండా, కొన్నిసార్లు తీవ్రమైన నొప్పి, మంట కూడా పుడుతుంటాయి.
దీనికోసం వేలకు వేలు ఖర్చు చేసి క్రీమ్లు కొనాల్సిన అవసరం లేదు. మీ ఇంట్లోనే ఉండే కేవలం మూడు వస్తువులతో ఈ సమస్య నుంచి ఎలా ఉపశమనం పొందాలో ఇప్పుడు చూద్దాం!
ఇంట్లోనే తయారుచేసుకునే 'మ్యాజికల్ వ్యాక్స్ క్రీమ్'
ఈ హోం రెమెడీని ఎలా తయారుచేసుకోవాలో మరియు ఎలా ఉపయోగించాలో కింద ఉన్న స్టెప్స్ ఫాలో అవ్వండి:
మొదట ఒక తెల్లటి కొవ్వొత్తిని (Candle) తీసుకొని బాగా తురమాలి. అలా తురిమిన కొవ్వొత్తి పొడిని ఒక స్పూన్ మోతాదులో ఒక చిన్న గిన్నెలోకి తీసుకోవాలి.
2.డబుల్ బాయిలింగ్ పద్ధతి:స్టెప్ 2.
ఆ గిన్నెలో ఒక స్పూన్ కొబ్బరి నూనె (Coconut oil) వేయాలి. ఇప్పుడు ఒక పెద్ద గిన్నెలో నీటిని మరిగించి, ఆ నీటిపై ఈ చిన్న గిన్నెను ఉంచి వేడి చేయాలి (డబుల్ బాయిలింగ్). వేడికి కొవ్వొత్తి తురుము, కొబ్బరి నూనె పూర్తిగా కరిగి ఒక మిశ్రమంగా మారుతుంది.
3.విటమిన్ E ఆయిల్ కలపడం:స్టెప్ 3.
మిశ్రమం బాగా కరిగాక పొయ్యి మీద నుంచి దించేయాలి. అది కాస్త గోరువెచ్చగా ఉన్నప్పుడే అందులో ఒక విటమిన్ E క్యాప్సూల్ (Vitamin E capsule) కట్ చేసి, లోపల ఉన్న ఆయిల్ను వేసి బాగా కలుపుకోవాలి.
4.రాత్రి పూట అప్లై చేయడం:స్టెప్ 4.
రాత్రి పడుకునే ముందు పాదాలను శుభ్రంగా కడుక్కుని, తడి లేకుండా తూడ్చుకోవాలి. ఆ తర్వాత ఈ మిశ్రమాన్ని పగుళ్లు ఉన్న ప్రదేశంలో బాగా అప్లై చేసి మసాజ్ చేయాలి. వీలైతే కాటన్ సాక్స్ వేసుకుని పడుకోవాలి.
ఇది ఎలా పనిచేస్తుంది?: కొవ్వొత్తిలోని వ్యాక్స్ చర్మానికి ఒక సహజమైన రక్షణ పొరను ఏర్పరచి తేమ బయటకు పోకుండా లాక్ చేస్తుంది. కొబ్బరి నూనె చర్మాన్ని లోతుగా హైడ్రేట్ చేయగా, విటమిన్ E దెబ్బతిన్న చర్మకణాలను వేగంగా రిపేర్ చేయడానికి సహాయపడుతుంది.
మరుసటి రోజు ఉదయం పాదాలను గోరువెచ్చని నీటితో శుభ్రం చేసుకోవాలి. కేవలం 2 రోజులు ఈ విధంగా చేస్తేనే మీకు మంచి మార్పు కనిపిస్తుంది. ఒకవేళ పగుళ్లు చాలా తీవ్రంగా ఉంటే, కొన్ని రోజుల పాటు క్రమం తప్పకుండా ఈ చిట్కాను పాటించడం వల్ల పాదాలు మళ్లీ మునుపటిలా అందంగా, మృదువుగా తయారవుతాయి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
