Eucalyptus oil:వయసుతో సంబంధం లేకుండా ప్రస్తుత రోజుల్లో చాలామందిని వేధిస్తున్న ప్రధాన సమస్య మోకాళ్ల నొప్పులు, కీళ్ల నొప్పులు. పెయిన్ కిల్లర్స్ వాడి విసిగిపోయారా? అయితే మనకు ప్రకృతి ప్రసాదించిన అద్భుత ఔషధం 'యూకలిప్టస్' (నీలగిరి చెట్టు) గురించి మీరు తెలుసుకోవాల్సిందే.
ఈ చెట్టు ఆకులను నలిపితే వచ్చే ఘాటైన వాసన అందరికీ తెలిసే ఉంటుంది. అచ్చం జండు బామ్ లాంటి సువాసన ఇచ్చే ఈ ఆకులను ఎండబెట్టి, పొడి చేసి.. దాని నుంచి తయారుచేసే 'యూకలిప్టస్ ఆయిల్' (Eucalyptus oil) నొప్పులను తగ్గించడంలో బ్రహ్మాస్త్రంలా పనిచేస్తుంది.
నొప్పులకు తక్షణ ఉపశమనం.. ఎలా పనిచేస్తుందంటే?
మార్కెట్లో సులభంగా లభించే ఈ నూనెలో ఎన్నో ఔషధ గుణాలు దాగి ఉన్నాయి. దీని వల్ల కలిగే అద్భుత ప్రయోజనాలు ఇవే:
ఆర్థరైటిస్ రోగులకు వరం: ఆస్టియో ఆర్థరైటిస్, రుమటాయిడ్ ఆర్థరైటిస్ కారణంగా కీళ్ల దగ్గర వచ్చే మంట, వాపులను తగ్గించడంలో ఇందులోని సమ్మేళనాలు చాలా ఎఫెక్టివ్గా పనిచేస్తాయి.
నడుము, కండరాల నొప్పులు మాయం: రోజంతా కష్టపడి పనిచేసి అలసిపోయినప్పుడు వచ్చే నడుము నొప్పి, కండరాల నొప్పులకు కూడా ఈ ఆయిల్ మసాజ్ బెస్ట్ ఆప్షన్.
ముఖ్య గమనిక:
నొప్పులు ప్రారంభ దశలో ఉన్నప్పుడు ఇటువంటి నాచురల్ ఆయిల్స్ అద్భుతమైన ఫలితాలను ఇస్తాయి. ఒకవేళ నొప్పులు మరీ తీవ్రంగా ఉంటే మాత్రం డాక్టర్ సలహా మేరకు మందులు వాడుతూ.. ఈ నూనెతో మసాజ్ చేసుకుంటే చాలా వేగంగా కోలుకుంటారు.
