Sprouts Poha:ఉదయం పూట హడావిడిలో హెల్తీగా, టేస్టీగా ఏమైనా చేసుకోవాలి అనుకుంటున్నారా? ముఖ్యంగా డైట్ చేసే వారికి, వంట రాని బ్యాచిలర్స్ కి ఇది పర్ఫెక్ట్ రెసిపీ.
మొలకలు, కూరగాయలు, అటుకులతో చేసే ఈ ఉప్మా (Sprouts Poha) రుచికి రుచి.. ఆరోగ్యానికి ఆరోగ్యం. చాలా తక్కువ టైమ్లో ఈజీగా దీన్ని ఎలా తయారు చేసుకోవాలో చూద్దాం.
అటుకులు: 1.5 కప్పులు
నూనె: 3 టేబుల్ స్పూన్లు
వేరుశెనగ గుళ్లు (పల్లీలు): 3 టేబుల్ స్పూన్లు
పోపు దినుసులు: ఆవాలు (1 టీస్పూన్), జీలకర్ర (1 టీస్పూన్), ఎండుమిర్చి (2)
కరివేపాకు: 2 రెబ్బలు
ఉల్లిపాయ ముక్కలు: 1/4 కప్పు
పచ్చిమిర్చి: 2 (సన్నగా తరిగినవి)
కూరగాయల ముక్కలు (క్యారెట్, క్యాప్సికం, టమాటా): ఒక్కోటి 1/4 కప్పు
నానబెట్టిన పచ్చి బఠానీ: 1/4 కప్పు
పసుపు: 1/4 టీస్పూన్
ఉప్పు: రుచికి సరిపడా
పంచదార: 1/4 టీస్పూన్ (రుచి బ్యాలెన్స్ చేయడానికి)
నిమ్మరసం: 1 టేబుల్ స్పూన్
కొత్తిమీర తరుగు: కొద్దిగా
తయారీ విధానం:
ముందుగా అటుకులను జల్లించి, ఓ గిన్నెలో వేసి తగినన్ని నీళ్లు పోసి వెంటనే వంపేయాలి (లేదా జల్లెడలో వేసి కడగాలి). ఆ తర్వాత మూత పెట్టి పక్కన ఉంచితే అటుకులు మెత్తగా నానుతాయి.
స్టవ్ మీద పాన్ పెట్టి నూనె వేడి చేయాలి. అందులో పల్లీలు వేసి దోరగా వేయించాక.. ఆవాలు, జీలకర్ర, ఎండుమిర్చి వేసి చిటపటలాడించాలి.
ఆ తర్వాత క్యాప్సికం, బఠానీ, టమాటా ముక్కలతో పాటు మొలకలు, ఉప్పు, పసుపు వేసి బాగా కలపాలి. మూతపెట్టి మరో 3 నిమిషాల పాటు సన్నని మంట మీద మగ్గనివ్వాలి.
కూరగాయలు, మొలకలు ఉడికిన తర్వాత ముందుగా నానబెట్టుకున్న అటుకులను అందులో వేసి, అటుకులు విరగకుండా నెమ్మదిగా కలపాలి.
ఇప్పుడు కొద్దిగా పంచదార చల్లి, పాన్ అంచుల వెంట ఒక 4 టేబుల్ స్పూన్ల నీళ్లు చిలకరించి మూతపెట్టాలి. ఇలా ఓ 3 నిమిషాలు ఆవిరి మీద ఉడికిస్తే మసాలాలన్నీ అటుకులకు పట్టి పర్ఫెక్ట్గా తయారవుతుంది.
అంతే! ఎంతో హెల్తీ అండ్ టేస్టీ 'స్ప్రౌట్స్ పోహా' (Sprouts Poha) రెడీ. ఉదయం బ్రేక్ఫాస్ట్గా ఈ ఉప్మా తింటే కడుపు నిండిన భావన కలగడమే కాకుండా, శరీరానికి కావాల్సిన పోషకాలు కూడా అందుతాయి.
