ప్రస్తుత యాంత్రిక జీవనంలో చాలా మందిని వేధిస్తున్న ప్రధాన సమస్య 'నిద్రలేమి'. రాత్రంతా అటు ఇటు దొర్లుతూ, కంటి నిండా నిద్ర లేక మరుసటి రోజు అలసటగా, నీరసంగా అనిపిస్తుందా? ఈ సమస్యను అశ్రద్ధ చేస్తే ఆందోళన (Anxiety), డిప్రెషన్, అతిగా తినడం వంటి సమస్యలే కాకుండా, రోగనిరోధక శక్తి కూడా దెబ్బతింటుంది.
వైద్యులు, నిపుణుల సలహాలతో పనిలేకుండా, మన వంటగదిలోని పదార్థాలతోనే గాఢనిద్రను ఎలా పొందాలో ఇప్పుడు తెలుసుకుందాం.
ఒక గ్లాసు గోరువెచ్చని పాలలో ఈ చిన్న మార్పులు చేస్తే, అది సహజ సిద్ధమైన నిద్రను ఇచ్చే పానీయంగా మారుతుంది.
కావలసినవి: ఒక గ్లాసు గోరువెచ్చని పాలు, పావు టీస్పూన్ జాజికాయ పొడి, చిటికెడు యాలకుల పొడి, చిటికెడు పసుపు.
తయారీ విధానం: ఈ పదార్థాలన్నింటినీ పాలలో వేసి బాగా కలిపి, పది నిమిషాల పాటు అలాగే ఉంచండి. ఆ తర్వాత వడగట్టి, పడుకోవడానికి అరగంట ముందు తాగండి.
నిద్రను ప్రేరేపించే ఇతర చిట్కాలు:
పాలతో పాటు, ఈ చిన్న ఆహారపు అలవాట్లు కూడా మీ నిద్ర నాణ్యతను పెంచుతాయి:
నానబెట్టిన బాదం పప్పులు:
రాత్రి పడుకునే ముందు 4-5 నానబెట్టిన బాదం పప్పులను తినండి. వీటిలో ఉండే మెగ్నీషియం, ట్రిప్టోఫాన్ కండరాలను రిలాక్స్ చేసి మెదడును నిద్రకు సిద్ధం చేస్తాయి.
అరటిపండు:
అరటిపండులో ఉండే పొటాషియం, మెగ్నీషియం మరియు విటమిన్ B6 శరీరంలోని 'మెలటోనిన్' (నిద్రను కలిగించే హార్మోన్) స్థాయిలను పెంచుతాయి. రాత్రి ఒక అరటిపండు తినడం వల్ల మంచి నిద్ర పడుతుంది.
రెగ్యులర్ టైమింగ్: ప్రతిరోజూ ఒకే సమయానికి నిద్రపోవడం అలవాటు చేసుకోండి.
ఫోన్లకు దూరం: పడుకునే గంట ముందు నుంచే మొబైల్ ఫోన్లు, లాప్టాప్లకు దూరంగా ఉండండి.
వాతావరణం: పడుకునే గది చీకటిగా, ప్రశాంతంగా ఉండేలా చూసుకోండి.
ప్రకృతి సిద్ధమైన ఈ పద్ధతులు క్రమం తప్పకుండా పాటిస్తే, నిద్రలేమి సమస్య నుంచి శాశ్వత ఉపశమనం లభిస్తుంది.
డిస్క్లైమర్: నిద్రలేమి సమస్య తీవ్రంగా ఉంటే లేదా దీర్ఘకాలిక అనారోగ్య సమస్యలు ఉన్నట్లయితే, తప్పనిసరిగా వైద్యుని సంప్రదించి సలహా తీసుకోండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
