రోజూ కనీసం 15 నిమిషాల పాటు నడిస్తే ఆరోగ్యానికి ఎంతో మంచిదని డాక్టర్లు చెబుతుంటారు. అయితే, ఈ రోజుల్లో ఉన్న బిజీ లైఫ్స్టైల్ వల్ల చాలామంది నడకను పూర్తిగా పక్కన పెట్టేస్తున్నారు. కొంతమంది పార్కుల్లోనో, రోడ్లపైనో వాకింగ్ చేస్తుంటారు కానీ.. కాళ్లకు షూస్ లేదా చెప్పులు ఖచ్చితంగా వేసుకుంటారు.
అయితే, చెప్పులు లేకుండా ఒట్టి కాళ్లతో (Barefoot Walking) నడవడం వల్ల మన శరీరానికి ప్రకృతి ఇచ్చే అద్భుతమైన థెరపీ లభిస్తుందని మీకు తెలుసా? రోజుకు కొద్దిసేపు చెప్పులు లేకుండా నడవడం వల్ల ఎలాంటి మ్యాజిక్ జరుగుతుందో ఇప్పుడు చూద్దాం!
మనం చెప్పులు లేకుండా నేలపై లేదా గడ్డిపై నడిచినప్పుడు భూమిలోని సహజ సిద్ధమైన ఎనర్జీ మన శరీరంలోకి ప్రవేశిస్తుంది. దీనివల్ల:
శరీరంలో రోగ నిరోధక వ్యవస్థ (Immunity) బలోపేతం అవుతుంది.
పాదాలు నేలకు నేరుగా తాకడం వల్ల బ్రెయిన్ బ్యాలెన్స్ అవ్వడమే కాకుండా, నాడీ వ్యవస్థ ఎంతో చురుగ్గా పనిచేస్తుంది.
మీ ఆలోచనా విధానం మెరుగై, మెదడు చురుకుదనం పెరుగుతుంది.
మన పాదాల కింద శరీరంలోని అన్ని అవయవాలకు సంబంధించిన ప్రెజర్ పాయింట్స్ (ఆక్యుప్రెషర్ పాయింట్స్) ఉంటాయి. చెప్పులు లేకుండా నడిచినప్పుడు పాదాల వేళ్లపై ఒత్తిడి పడి, కంటి చూపు అద్భుతంగా మెరుగుపడుతుంది. కంటి సంబంధిత సమస్యలు రాకుండా ఉంటాయి.
3. నిద్రలేమి సమస్యకు చెక్!
ఈ మధ్య కాలంలో వయసుతో సంబంధం లేకుండా చాలామంది రాత్రిళ్లు నిద్రపట్టక ‘ఇన్సోమ్నియా’ (నిద్రలేమి) సమస్యతో బాధపడుతున్నారు. చెప్పులు లేకుండా నడవడం వల్ల శరీరం, మనస్సు పూర్తిగా రిలాక్స్ అవుతాయి. దీంతో ఒత్తిడి తగ్గి రాత్రిపూట హాయిగా, త్వరగా నిద్ర పడుతుంది.
ఒట్టి పాదాలతో నడవడం వల్ల పాదాల కింది భాగంలో ఉండే నాడులు ఉత్తేజితమై శరీరంలో బ్లడ్ సర్క్యులేషన్ (రక్తప్రసరణ) చాలా బాగా జరుగుతుంది. ఇది బ్లడ్ ప్రెజర్ (రక్తపోటు) ను అదుపులో ఉంచడానికి ఎంతగానో సహాయపడుతుంది.
5. శారీరక నొప్పులు, వాపులు మాయం
పాదాలకు సహజమైన మసాజ్ లభించడం వల్ల:
పాదాల నొప్పులు, కీళ్ల నొప్పులు (Joint pains) తగ్గుతాయి.
కీళ్లలో వచ్చే వాపులను తగ్గించడంలో ఇది మేలు చేస్తుంది.
చాలామందిని వేధించే వెరికోస్ వీన్స్ (Varicose Veins) సమస్యను తగ్గించడంలోనూ ఒట్టికాళ్ల నడక అద్భుతంగా పనిచేస్తుంది.
చిన్న సలహా: ఉదయాన్నే పచ్చటి గడ్డిపై లేదా మెత్తటి మట్టిపై చెప్పులు లేకుండా నడవడం వల్ల రెట్టింపు ప్రయోజనాలు ఉంటాయి. అయితే, గాజు ముక్కలు, ముళ్లు లేని సురక్షితమైన ప్రదేశాన్ని ఎంచుకోవడం మంచిది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
