కెమికల్ ఆయిల్స్ వాడి విసిగిపోయారా? వారం రోజుల్లో హెయిర్ ఫాల్ ఆపే మ్యాజిక్ ఇది!

Amla And Kalonji
ఈ మధ్య కాలంలో వాతావరణ కాలుష్యం, పని ఒత్తిడి, ఫుడ్ హ్యాబిట్స్ వల్ల చాలా చిన్న వయసులోనే విపరీతంగా జుట్టు రాలిపోతోంది కదా! ఒకప్పుడు తల దువ్వుకుంటే చాలు నా జుట్టు గుప్పెడు ఊడిపోయేది. తల ఎంత పల్చగా అయిపోయిందంటే బయటకి వెళ్లాలంటేనే చాలా ఇబ్బందిగా అనిపించేది. 

కంగారుపడిపోయి టీవీల్లో యాడ్స్ చూసి ఏవేవో ఖరీదైన ఆయిల్స్ వాడాను. కానీ అందులో ఉండే కెమికల్స్ వల్ల సైడ్ ఎఫెక్ట్స్ వచ్చి ఉన్న జుట్టు కూడా ఊడిపోవడం మొదలైంది. ఇక లాభం లేదని, మన ఇంట్లోనే దొరికే సహజసిద్ధమైన వస్తువులతో ఒక నూనెను తయారు చేసి వాడటం మొదలుపెట్టాను.

నిజం చెప్తున్నాను.. ఇది వాడటం మొదలుపెట్టిన కొద్ది రోజుల్లోనే నా జుట్టు రాలడం పూర్తిగా ఆగిపోయి, క్రమంగా రెట్టింపు ఒత్తుగా పెరగడం మొదలైంది. ఆ మ్యాజిక్ ఆయిల్ ఏంటో, నేను ఎలా తయారు చేసుకున్నానో మీతో పంచుకుంటాను.
నా సీక్రెట్ హెయిర్ ఆయిల్ తయారీకి కావాల్సినవి:
ఎండు ఉసిరికాయ ముక్కలు - 2 స్పూన్లు (ఇవి ఆయుర్వేదం షాపుల్లో దొరుకుతాయి. పచ్చి ఉసిరి సీజన్ లో అయితే పచ్చి ముక్కలు కూడా వాడుకోవచ్చు)
కలోంజీ విత్తనాలు (Kalonji seeds) - 2 స్పూన్లు
కొబ్బరి నూనె - 1 కప్పు

నేను ఎలా తయారు చేశానంటే: ముందుగా స్టవ్ మీద ఒక మందపాటి పాన్ పెట్టి అందులో ఒక కప్పు కొబ్బరి నూనె పోశాను. నూనె కాస్త వేడెక్కాక అందులో రెండు స్పూన్ల ఎండు ఉసిరికాయ ముక్కలు, రెండు స్పూన్ల కలోంజీ విత్తనాలు వేశాను. 

ఉసిరికాయ ముక్కలు రంగు మారే వరకు సిమ్ లో ఉంచి బాగా మరిగించాను. ఆ తర్వాత స్టవ్ ఆపేసి, నూనె పూర్తిగా చల్లారాక వడగట్టి.. ఒక గాజు సీసాలో స్టోర్ చేసుకున్నాను. ఒక్కసారి చేసుకుంటే ఈ నూనె నాకు నెల రోజుల పాటు అస్సలు పాడవకుండా వస్తుంది.

ఎలా వాడాను? రిజల్ట్ ఎలా ఉందంటే.. ఈ నూనెను రోజూ రెగ్యులర్ కొబ్బరి నూనెలా కూడా రాసుకోవచ్చు. కానీ నాకు రోజూ ఆఫీస్ హడావిడి వల్ల కుదరక, వారానికి రెండు సార్లు తలస్నానానికి ముందు రాసుకునేదాన్ని. 

జుట్టు కుదుళ్ల దగ్గర నుంచి చివర్ల వరకు బాగా పట్టించి, ఒక ఐదు నిమిషాలు వేళ్లతో సున్నితంగా మసాజ్ చేసుకునేదాన్ని. ఇలా మసాజ్ చేస్తే బ్లడ్ సర్క్యులేషన్ బాగా జరిగి కుదుళ్లకు మంచి పోషణ అందుతుంది. ఆ నూనెను ఒక అరగంట ఆరనిచ్చి, ఆ తర్వాత కుంకుడుకాయలతో తలస్నానం చేసేదాన్ని.

ఇందులో వేసిన ఉసిరికాయ జుట్టును ఒత్తుగా, పొడవుగా పెంచడమే కాకుండా, నాకు వస్తున్న తెల్ల జుట్టును కూడా తగ్గించింది. ఇక కలోంజీ విత్తనాల్లోని పోషకాలు జుట్టు రాలడాన్ని అడ్డుకుని కుదుళ్లకు మంచి బలాన్ని ఇచ్చాయి. మీరు కూడా కెమికల్ నూనెలు వాడి హెయిర్ పాడు చేసుకోకుండా, నా లాగే ఒకసారి ఈ నూనెను ఇంట్లోనే తయారు చేసుకుని వాడి చూడండి. రిజల్ట్ మీకే అర్థమవుతుంది!

గమనిక: ఇది పూర్తిగా నా సొంత అనుభవంతో, నాకు పనిచేసిన విధానాన్ని బట్టి రాసిన ఆర్టికల్. ఇది కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.

మరిన్ని బ్యూటీ అండ్ లైఫ్ స్టైల్ టిప్స్ కోసం కింద లింక్ ని Copy చేసి చూడండి.
https://www.telugulifestyle.com/
block1/Bhakti

buttons=(Accept !) days=(20)

Our website uses cookies to enhance your experience. Learn More
Accept !
To Top