సాయంత్రం టీవీ చూస్తూనో, ఖాళీగా కూర్చున్నప్పుడో వేయించిన పల్లీలు (వేరుశనగలు) లేదా ఉడకబెట్టిన పల్లీలు తినడం నాకొక పెద్ద అలవాటు. ఇలా పల్లీలు తినగానే గొంతు పట్టేసినట్టు అనిపించి, వెంటనే గటగటా ఒక గ్లాసు నీళ్లు తాగేసేదాన్ని.
ఇలా చేయడం వల్ల నాకు తరచుగా జలుబు, గొంతులో గరగర, అజీర్తి లాంటి సమస్యలు వచ్చేవి. ఎన్ని మందులు వాడినా అవి ఎందుకు వస్తున్నాయో నాకు అసలు అర్థమయ్యేది కాదు.
ఒకరోజు మా ఫ్యామిలీ డాక్టర్తో ఈ విషయం చెబితే, నేను చేస్తున్న అతి పెద్ద తప్పు ఏంటో ఆయన చెప్పారు. పల్లీలు తిన్న వెంటనే నీళ్లు తాగడం వల్లే నాకు ఇన్ని సమస్యలు వస్తున్నాయని తెలిసి నేను నిజంగా షాక్ అయ్యాను. ఆ తర్వాత నేను తెలుసుకున్న ఆసక్తికరమైన ఆరోగ్య రహస్యాలు మీతో పంచుకోవాలనుకుంటున్నాను.
పల్లీలు తిన్నాక నీళ్లు తాగితే నాకెందుకు అలా అయిందంటే..
గొంతులో జిడ్డు: వేరుశనగల్లో సహజంగానే నూనె (ఆయిల్) శాతం ఎక్కువగా ఉంటుంది. మనం పల్లీలు తిన్న వెంటనే నీళ్లు తాగితే.. ఆ ఆయిల్ నీటితో కలిసిపోయి మన ఆహార నాళానికి (Food pipe) జిడ్డులా అతుక్కుపోతుందట. అదే క్రమంగా కొవ్వులా పేరుకుపోయి గొంతు సమస్యలు తెచ్చిపెట్టింది.
జలుబు, దగ్గు ఎందుకంటే: పెద్దవాళ్లు ఎప్పుడూ చెప్తుంటారు కదా పల్లీలు తింటే ఒంట్లో వేడి పుడుతుందని. అలా వేడి చేసే పల్లీలు తిన్న వెంటనే చల్లటి నీళ్లు తాగితే, శరీర ఉష్ణోగ్రతల్లో ఒక్కసారిగా తేడా వచ్చి జలుబు, దగ్గు వస్తాయట. నాకు జరిగిన అసలు తప్పు ఇదే!
అజీర్తి సమస్య: పల్లీల్లో ఆయిల్, ప్రోటీన్ ఎక్కువగా ఉండటం వల్ల అవి జీర్ణం అవ్వడానికి కాస్త సమయం పడుతుంది. తిన్న వెంటనే నీళ్లు తాగేయడం వల్ల జీర్ణక్రియ మందగించి, కడుపు ఉబ్బరంగా అనిపించేది.
నోటి దుర్వాసన: పల్లీలు తిని వెంటనే నీళ్లు తాగడం వల్ల నోట్లో ఒక రకమైన జిడ్డు ఉండిపోయి, దుర్వాసన కూడా వస్తుందని డాక్టర్ చెప్పారు.
నేను మార్చుకున్న అలవాటు: అప్పటి నుంచి నేను పల్లీలు తిన్న వెంటనే నీళ్లు తాగడం పూర్తిగా మానేశాను. ఒకవేళ దాహం వేసినా సరే, కనీసం 15 నుంచి 20 నిమిషాలు ఆగి అప్పుడు నీళ్లు తాగుతున్నాను.
ఇలా గ్యాప్ ఇవ్వడం వల్ల పల్లీల్లోని పోషకాలను శరీరం పూర్తిగా గ్రహిస్తుంది, జీర్ణం కూడా సులువుగా అవుతుంది. అప్పటినుంచి నాకు అకారణంగా వచ్చే జలుబు, అజీర్తి సమస్యలు పూర్తిగా తగ్గిపోయాయి.
మీకు కూడా పల్లీలు తిన్న వెంటనే నీళ్లు తాగే అలవాటు ఉంటే వెంటనే మానేయండి. పల్లీలు మన ఆరోగ్యానికి చాలా మంచివి, కానీ వాటిని సరైన పద్ధతిలో తిన్నప్పుడే ఆ ప్రయోజనాలు మనకు అందుతాయి!
గమనిక: ఇది పూర్తిగా నా సొంత అనుభవంతో, వైద్యుల సూచనల మేరకు రాసిన ఆర్టికల్. ఇది కేవలం మీకు అవగాహన కల్పించడం కోసమేనని గమనించగలరు. వీటిని ప్రామాణిక వైద్య సలహాగా భావించకూడదు.
మరిన్ని హెల్త్ అండ్ లైఫ్ స్టైల్ అప్డేట్స్ కోసం కింద లింక్ ని Copy చేసి చూడండి.
https://www.telugulifestyle.com/
