నాగార్జున కొండ ఎక్కడ ఉంది ?

నాగార్జున కొండ హైదరాబాద్‌కు 160 కి.మీల దూరంలో ఉంది. మాచర్ల రైల్వేస్టేషన్‌లో దిగితే 24 కి.మీ దూరం రోడ్డు మార్గాన ప్రయాణించాలి. నాగార్జున కొండ మీద క్రీ.శ 3వ శతాబ్దం నాటి సింహళవిహారం, సమావేశ మందిరం, నివాసపు గదులు, ఒక స్థూపం ఉన్నాయి. ఇక్కడి నిర్మాణాలలో చంద్రశిల సోపానాలు ప్రత్యేక ఆకర్షణ. ఇక్కడ ఉన్న కూర్మచితి, అవబృధస్నానకుండాలు పర్యాటకులను విశేషంగా ఆకర్షిస్తాయి. పురావస్తు ప్రదర్శనశాలలో అత్యద్భుతమైన బౌద్ధశిల్పాలు నాటి సంస్కృతికి సజీవ సాక్ష్యాలు. అలాగే నాగార్జున సాగర్‌కు 8 కి.మీ దూరంలో ఉన్న ‘అనుపు’ అనే ప్రాంతంలో ప్రాచీన కట్టడాలు ఉన్నాయి. ఇవన్నీ పునర్నిర్మాణాలు. హారతి నిలయం, బౌద్ధవిశ్వవిద్యాలయం, ఉద్దేశిక స్తూపాలు ఉన్నాయి.