చిన్నారి అమ్మాయికి చెవులు కుట్టించడం, ముద్దుగా కనిపించడానికి ముక్కు
కుట్టించడం మన సంప్రదాయంలో ఒక భాగం. చిన్న వయసులోనే బంగారు రింగులతో
చిన్నారి కదులుతూ ఉంటే చూడటం ఒక ముచ్చట. ముక్కుపుడక వేసుకుంటే అదో అదనపు
అందం. అయితే ఇటీవల సంప్రదాయం కంటే ఫ్యాషన్, కాస్మటిక్ లుక్ అన్నవి
పెరిగాయి.
గతంలో ఆభరణాలు తయారుచేసేవారే బంగారు లేదా వెండి తీగెలతో చెవులు లేదా ముక్కు కుట్టేవారు. ఇప్పుడు బ్యూటీపార్లలో కూడా ఇది చేస్తున్నారు. అయితే డాక్టర్ ఆధ్వర్యంలోనే చేస్తున్నారు. అధునాతన పియర్సింగ్ గన్స్‌తో చెవులు, ముక్కు లేదా అవసరమైన చోట్ల కుడుతున్నారు. ఈ ప్రక్రియలో రింగులుగా వేయదలచుకున్న బంగారు, వెండి తీగెలను ముందుగా స్టెరిలైజ్ చేస్తున్నారు.
ఇలా చెవి, ముక్కు లేదా స్టడ్ వేయాల్సిన ఇతర ప్రదేశాల్లో చిన్న రంధ్రం వేసే సమయంలో కొన్ని కాంప్లికేషన్స్ రావచ్చు. ఆ అనర్థాలను దృష్టిలో పెట్టుకుని కొద్దిపాటి జాగ్రత్తలు తీసుకుంటే ముక్కు, చెవులు కుట్టించడం మరింత అందంగా, ఆకర్షణీయంగా చేయవచ్చు.
అనర్థాలు...
ఇన్ఫెక్షన్స్:
కుట్టాల్సిన చోట సెప్టిక్ కాకుండా ఉండేందుకు ప్రక్రియకు ముందు, ఆ తర్వాత జాగ్రత్తలు తీసుకోకపోతే రంధ్రం వేసిన చోట ఇన్ఫెక్షన్ రావచ్చు.
సిస్ట్ / గ్రాన్యులోమా ఏర్పడటం:
ముక్కు లేదా చర్మంపైన ఇతర ప్రాంతాల్లో కుట్టినచోట చిన్నకాయ వంటిది రావచ్చు. దీన్ని సిస్ట్ లేదా గ్రాన్యులోమా అంటారు. కుట్టగానే చర్మంలో జరిగే ప్రతిస్పందన వల్ల ఇది వస్తుంది. ఇది హానికరం కాదు. చాలావరకు దానంతట అదే తగ్గిపోతుంది. ఏదైనా సమస్య వస్తే డాక్టర్‌కు చూపించి తప్పక చికిత్స తీసుకోవాలి.
మచ్చ ఏర్పడటం:
కుట్టే ప్రక్రియలో రంధ్రం దగ్గర కొన్నిసార్లు మచ్చలా రావచ్చు. ఇలా వచ్చినప్పుడు తప్పనిసరిగా డెర్మటాలజిస్ట్‌ను సంప్రదించాలి.
అలర్జీలు:
కొన్ని సందర్భాల్లో కొందరికి కుట్టడానికి ఉపయోగించే బంగారం లేదా వెండి వల్ల అలర్జీ కలగవచ్చు. దీన్ని కాంటాక్ట్ డెర్మటైటిస్ అంటారు. కొందరిలో ఆర్టిఫిషియల్ జ్యూయలరీ వల్ల కూడా ఇలాంటి అనర్థం రావచ్చు. ఇలాంటి సందర్భాల్లో కుట్టిన చోట్ల ఇన్ఫెక్షన్ రావడం, దురద, స్రావాలు కారడం వంటి లక్షణాలు కనిపిస్తాయి. ఇలాంటి సందర్భాల్లో తప్పనిసరిగా డెర్మటాలజిస్ట్ సలహా మేరకు చికిత్స తీసుకోవలసి ఉంటుంది.
గుర్తుంచుకోవలసిన విషయాలు...
చెవులు, ముక్కు కుట్టే సమయంలో, ప్రక్రియ పూర్తయ్యాక రంధ్రం సరైన స్థానంలో లేదని విచారించడం కంటే ముందే తగిన ప్రదేశాన్ని ఎంపిక చేయడం మంచి పద్ధతి చెవులు లేదా ముక్కు కుట్టేవారికి ఉన్న అనుభవాన్ని పరిగణనలోకి తీసుకోవాలి కుట్టే సమయంలో ఎలాంటి ఇన్ఫెక్షన్ లేకుండా పరిశుభ్రంగా ఉండేలా జాగ్రత్త పడాలి. వైరల్, బ్యాక్టీరియల్, ఫంగల్ ఇన్ఫెక్షన్స్ లేకుండా ఉన్నప్పుడు కుట్టించుకోవడం శ్రేయస్కరం బంగారు, వెండితీగెలతో కుడితే ఎటువంటి హాని కలుగదు. ముందుగానే ఆతీగెలను స్టెరిలైజ్‌డ్ సొల్యూషన్‌లో శుభ్రపరిచి ఉంచటం మంచిది చిన్నపోటుతో నొప్పిలేకుండానే కుడతారు కాబట్టి మరీ నొప్పిగా ఉంటే తప్ప... సాధ్యమైనంత వరకు అనస్థీషియా ఉపయోగించకూడదు. ఒకేసారి రెండుచోట్ల రంధ్రాలు వేయించడం వంటివి చేస్తున్నప్పుడు మాత్రం లోకల్ అనస్థీషియా క్రీమ్ పూయడం మంచిది తేలిగ్గా మచ్చ పడే చర్మతత్త్వం ఉన్నవారు, చెవులు, ముక్కు కుట్టించుకోవడానికి ముందే డాక్టర్ సలహా తీసుకోవడం మంచిది.
గతంలో ఆభరణాలు తయారుచేసేవారే బంగారు లేదా వెండి తీగెలతో చెవులు లేదా ముక్కు కుట్టేవారు. ఇప్పుడు బ్యూటీపార్లలో కూడా ఇది చేస్తున్నారు. అయితే డాక్టర్ ఆధ్వర్యంలోనే చేస్తున్నారు. అధునాతన పియర్సింగ్ గన్స్‌తో చెవులు, ముక్కు లేదా అవసరమైన చోట్ల కుడుతున్నారు. ఈ ప్రక్రియలో రింగులుగా వేయదలచుకున్న బంగారు, వెండి తీగెలను ముందుగా స్టెరిలైజ్ చేస్తున్నారు.
ఇలా చెవి, ముక్కు లేదా స్టడ్ వేయాల్సిన ఇతర ప్రదేశాల్లో చిన్న రంధ్రం వేసే సమయంలో కొన్ని కాంప్లికేషన్స్ రావచ్చు. ఆ అనర్థాలను దృష్టిలో పెట్టుకుని కొద్దిపాటి జాగ్రత్తలు తీసుకుంటే ముక్కు, చెవులు కుట్టించడం మరింత అందంగా, ఆకర్షణీయంగా చేయవచ్చు.
అనర్థాలు...
ఇన్ఫెక్షన్స్:
కుట్టాల్సిన చోట సెప్టిక్ కాకుండా ఉండేందుకు ప్రక్రియకు ముందు, ఆ తర్వాత జాగ్రత్తలు తీసుకోకపోతే రంధ్రం వేసిన చోట ఇన్ఫెక్షన్ రావచ్చు.
సిస్ట్ / గ్రాన్యులోమా ఏర్పడటం:
ముక్కు లేదా చర్మంపైన ఇతర ప్రాంతాల్లో కుట్టినచోట చిన్నకాయ వంటిది రావచ్చు. దీన్ని సిస్ట్ లేదా గ్రాన్యులోమా అంటారు. కుట్టగానే చర్మంలో జరిగే ప్రతిస్పందన వల్ల ఇది వస్తుంది. ఇది హానికరం కాదు. చాలావరకు దానంతట అదే తగ్గిపోతుంది. ఏదైనా సమస్య వస్తే డాక్టర్‌కు చూపించి తప్పక చికిత్స తీసుకోవాలి.
మచ్చ ఏర్పడటం:
కుట్టే ప్రక్రియలో రంధ్రం దగ్గర కొన్నిసార్లు మచ్చలా రావచ్చు. ఇలా వచ్చినప్పుడు తప్పనిసరిగా డెర్మటాలజిస్ట్‌ను సంప్రదించాలి.
అలర్జీలు:
కొన్ని సందర్భాల్లో కొందరికి కుట్టడానికి ఉపయోగించే బంగారం లేదా వెండి వల్ల అలర్జీ కలగవచ్చు. దీన్ని కాంటాక్ట్ డెర్మటైటిస్ అంటారు. కొందరిలో ఆర్టిఫిషియల్ జ్యూయలరీ వల్ల కూడా ఇలాంటి అనర్థం రావచ్చు. ఇలాంటి సందర్భాల్లో కుట్టిన చోట్ల ఇన్ఫెక్షన్ రావడం, దురద, స్రావాలు కారడం వంటి లక్షణాలు కనిపిస్తాయి. ఇలాంటి సందర్భాల్లో తప్పనిసరిగా డెర్మటాలజిస్ట్ సలహా మేరకు చికిత్స తీసుకోవలసి ఉంటుంది.
గుర్తుంచుకోవలసిన విషయాలు...
చెవులు, ముక్కు కుట్టే సమయంలో, ప్రక్రియ పూర్తయ్యాక రంధ్రం సరైన స్థానంలో లేదని విచారించడం కంటే ముందే తగిన ప్రదేశాన్ని ఎంపిక చేయడం మంచి పద్ధతి చెవులు లేదా ముక్కు కుట్టేవారికి ఉన్న అనుభవాన్ని పరిగణనలోకి తీసుకోవాలి కుట్టే సమయంలో ఎలాంటి ఇన్ఫెక్షన్ లేకుండా పరిశుభ్రంగా ఉండేలా జాగ్రత్త పడాలి. వైరల్, బ్యాక్టీరియల్, ఫంగల్ ఇన్ఫెక్షన్స్ లేకుండా ఉన్నప్పుడు కుట్టించుకోవడం శ్రేయస్కరం బంగారు, వెండితీగెలతో కుడితే ఎటువంటి హాని కలుగదు. ముందుగానే ఆతీగెలను స్టెరిలైజ్‌డ్ సొల్యూషన్‌లో శుభ్రపరిచి ఉంచటం మంచిది చిన్నపోటుతో నొప్పిలేకుండానే కుడతారు కాబట్టి మరీ నొప్పిగా ఉంటే తప్ప... సాధ్యమైనంత వరకు అనస్థీషియా ఉపయోగించకూడదు. ఒకేసారి రెండుచోట్ల రంధ్రాలు వేయించడం వంటివి చేస్తున్నప్పుడు మాత్రం లోకల్ అనస్థీషియా క్రీమ్ పూయడం మంచిది తేలిగ్గా మచ్చ పడే చర్మతత్త్వం ఉన్నవారు, చెవులు, ముక్కు కుట్టించుకోవడానికి ముందే డాక్టర్ సలహా తీసుకోవడం మంచిది.
