కొవ్వు పదార్థాలు ఎప్పుడూ చెడ్డవేనా...?

కొవ్వు పదార్థం అంటే అది విధిగా చెడు చేసేదే కానక్కర్లేదు. మీకు ఒక విషయం తెలుసా? శరీరం బరువు తగ్గడానికి కూడా కొన్ని కొవ్వులు కావాలి. కొవ్వు పదార్థాలు చెడ్డవనే అపోహతో వాటిని తీసుకోడానికి పూర్తిగా నిరాకరించకండి. వెన్న, నెయ్యి వంటి ఆహారాలతో వచ్చే ట్రాన్స్ ఫ్యాట్స్, హైడ్రోజనేటెడ్ ఫ్యాట్స్ తీసుకోవడాన్ని తగ్గించుకోండి. అయితే ఒమెగా 3 ఫ్యాటీ ఆసిడ్స్, ఒమెగా 6, ఒమెగా 9 ఫ్యాటీ ఆసిడ్స్ వంటి కొవ్వులు మనకు చాలా మేలు చేస్తాయి. ఈ తరహా కొవ్వు పదార్థాలు చేపల్లో, అవిశె నూనెలో ఉంటాయి. కొవ్వు పదార్థాలన్నీ చెడ్డవే అనుకునే చాలా మంది వాటిని తీసుకోవడం తగ్గిస్తారు. అలాంటివారిలో చర్మం పూర్తిగా పొడిబారిపోవడం వంటి అనర్థాలు వస్తాయని నిపుణులు చెబుతున్నారు.