పళ్లరసాల్లో సాధారణంగా ఉండే చక్కెర పాళ్లు ఎక్కువే. అవి చక్కెర లేకుండా తాగినా సరే... మనలో చక్కెర పాళ్లు పెరుగుతాయి. దాంతో మనలో ఇన్సులిన్ ఉత్పత్తి కూడా అకస్మాత్తుగా పెరగాల్సి వస్తుంది. అకస్మాత్తుగా పెరిగినది ఏదైనా అకస్మాత్తుగా తగ్గడానికి దారితీస్తుంది. ఇలా అకస్మాత్తుగా పెరిగిన చక్కెర, మళ్లీ అకస్మాత్తుగా తగ్గడం జరిగితే (హైపోగ్లైసీమియా) నీరసం, తలనొప్పి, ఏదైనా విషయంపై దృష్టి నిలపలేకపోవడం వంటి అనర్థాలకు దారితీస్తుంది. పండ్ల వల్ల కలిగే ప్రయోజనాలను పొందాలంటే పళ్లరసాలకు బదులు వాటిని పండుగా తినడం మంచిది.