రోజుకు ఎన్ని గంటలు మీరు నిద్రపోతున్నారు?

రోజుకు ఎన్ని గంటలు మీరు నిద్రపోతున్నారు? దీనితోనే మీ ఆరోగ్యం ఆధారపడుతుందన్న విషయం మీకు తెలుసా? వృద్ధులైతే రోజుకు కనీసం 8 గంటలు నిద్రపోవాలి. అదే చిన్న పిల్లలైతే కనీసం 12 గంటలు నిద్రపోవాలి. మధ్యవయస్కులు, యువకులైతే 8 నుంచి 10 గంటలపాటు నిద్రపోవడం వల్ల మెదడు చురుగ్గా ఉండడమే కాక మానసిక ఆందోళన, డయాబెటిస్, హైబిపి వంటివి దరిచేరవని ఫిన్‌ల్యాండ్‌కు చెందిన పరిశోధకులు చెబుతున్నారు. రోజుకు ఆరుగంటల లోపు నిద్రపోయే స్త్రీలలో మెదడుకు ఆకలి సందేశాన్ని పంపే ఘ్రెలిన్ అనే హార్మోన్ మరింత చురుకుగా పనిచేసి మరుసటి రోజు రెట్టింపు ఆహారాన్ని తీసుకుంటారట. దీని వల్ల శీఘ్రంగా స్థూలకాయం రావడం ఖాయమని పరిశోధకులు చెబుతున్నారు.