తినే పద్ధతిలో కూడా ఆరోగ్యసూత్రాలు

తినే పద్ధతిలో కూడా ఆరోగ్యసూత్రాలుంటాయంటున్నారు జపాన్‌కి చెందిన ఆరోగ్యనిపుణులు. వేగంగా తినడం వల్ల డయాబెటీస్ వంటి సమస్యల్ని ఎదుర్కోవాల్సి ఉంటుందని వారు తాజాగా చేసిన పరిశోధనల్లో తేలింది. అంతేకాదు గబగబా తినడం వల్ల అవసరానికంటే ఎక్కువగా తినే అవకాశం ఉందంటున్నారు. "పండ్లు, రోటీలు వంటి ఆహారం సంగతి పక్కన పెడితే జంక్‌ఫుడ్ తినేప్పుడు తప్పనిసరిగా స్పీడు తగ్గించాలి. చిప్స్ వంటి స్నాక్స్ వేగంగా తింటే ఎన్ని తిన్నా తిన్నట్టు ఉండవు. ఆహారం వేగంగా తీసుకోవడం వల్ల మన రక్తంలో గ్లూకోజ్ ఉండాల్సిన స్థాయికంటే ఎక్కువ మోతాదులో ఉంటుంది. దీని వల్ల భవిష్యత్తులో డయాబెటీస్ బారిన పడతారు'' అని చెప్పారు డాక్టర్ అమోల్.