యాంటిక్ ఆభరణాలు అంటే..?

యాంటిక్ ఆభరణాలంటే పురాతనకాలంలో తయారైనవి లేదా ఆ డిజైన్లలో ఇప్పుడు తయారవుతున్నవి. ఇప్పుడు ఆభరణాల ఫ్యాషన్‌లో ట్రెండ్ వీటిదే. ఈ ఆభరణాలను పూర్వం బర్మా రూబీలు పొదిగి 18 లేదా 20 క్యారట్‌ల స్వచ్ఛతతో చేసేవారు. ఇప్పుడు ఆ మేకింగ్ చాలా తక్కువగా జరుగుతోంది. కొత్తగా తయారుచేసే యాంటిక్ పీస్‌లను 22 క్యారట్ల స్వచ్ఛతతో తయారుచేసి బర్మా రూబీలతో ఆఫ్రికన్ రూబీలు కూడా వాడుతున్నారు. ఆభరణానికి యాంటిక్ లుక్ వచ్చేటట్లు పాలిష్ చేస్తున్నారు. ఈ పనితనానికి మంచి గుర్తింపు వచ్చింది. పాత మోడల్స్ ఉన్నవారు వాటిని బయటకు తీస్తున్నారు. అవి లేనప్పుడు తమ వద్ద మామూలు బంగారు ఆభరణాలకే యాంటిక్ ఫినిషింగ్ చేయించుకుంటున్నారు. యాంటిక్ ఆభరణాలను స్టోన్స్ కలిపి లేదా స్టోన్స్ లేకుండా బంగారంతోనే చేయించుకోవచ్చు. ఇవి సాధారణంగా హెవీ వెయిట్ ఉంటాయి. తక్కువ వెయిట్‌లో కావాలన్నా చేయవచ్చు.