వ్యాయామం ఎందుకు చేయడం లేదనో, మధ్యలో ఎందుకు మానేశారనో అడిగితే ఠపీమని వచ్చే సమాధానం ‘‘అబ్బే... టైమెక్కడండీ’’ అని. అయితే ఇక ఇలాంటి సాకులు చెల్లవు. ఎందుకంటే బిజీగా గడుపుతూ రోజువారీ పనులు చేసేందుకు రోజు మొత్తం సరిపోవడం లేదనేవారు వెంటనే చేయాల్సిన పని ఎక్సర్‌సైజ్... అని నిపుణులు చెప్తున్నారు. పైగా సమయాన్ని ఆదా చేసేందుకు వ్యాయామం ఒక గొప్ప సాధనం కూడా అని వివరిస్తున్నారు. అదెలాగో తెలుసుకోవాలంటే కాస్త టైమ్ వెచ్చించి ఈ కథనం చదవండి మరి...
స్పీడు యుగంలో మనిషికి రెండు చేతులు చాలడం లేదు. ఒక మెదడు సరిపోవడం లేదు. అలాగే సమయం కూడా. కళ్లు తెరిచి మూసేలోగా... రోజుకున్న 24 గంటలూ హాంఫట్ అయిపోతున్నాయి. ఇలాంటి పరిస్థితుల్లో సాధారణంగా గంటలో చేసే పనిని మనం అరగంటలోనే చేసేయగలిగితే... అందుకు తగ్గ శారీరక సామర్థ్యం, చురుకుతనం మన స్వంతం అయితే ఎంత అద్భుతంగా ఉంటుంది కదా! అయితే ఆ అద్భుతం నిజం కావాలంటే మనం వెంటనే వ్యాయామం మొదలుపెట్టాలి.
రోజూ వర్కవుట్ చేసేవారిలో రక్తప్రసరణ చేయనివారికన్నా మెరుగ్గా ఉంటుంది. వ్యాయా మం వల్ల దేహంలోని ప్రతి అవయవం తన పనితీరును మరింతగా మెరుగుపరచుకుంటుంది. తగినంత రక్తప్రసరణ కారణంగా మెదడు మరింత సామర్థ్యం సంతరించుకుంటుంది. దాంతో ఆలోచనల్లో, నిర్ణయాలు తీసుకోవడం లో వేగం పెరుగుతుంది. తద్వారా మన పనితీరులో సమూలమైన మార్పులు వస్తాయి. ఎప్పుడూ చేసే పనులను మరింత సమర్థంగా, వేగంగా చేయగలుగుతాం. తద్వారా సమయాన్ని ఆదా చేసుకుంటూ ఒక పని చేసే టైమ్‌లోనే రెండు పనులు చేసేయగలుగుతాం. రోజు మొత్తం మీద కనీసం 40 నిమిషాల పాటు సరిపడా శారీరకశ్రమ చేసేవారి చురుకుదనం అలా చేయనివారితో పోలిస్తే రెట్టింపు ఉంటుందని ఇటీవల నిర్వహించిన ఒక అంతర్జాతీయ స్థాయి పరిశోధనలో వెల్లడైంది.
వాకింగ్ చేయమంటే... టైమ్ లేదంటారు చాలామంది. అయితే అది సరైనది కాదు. పని ఎంత ఎక్కువ ఉంటే అంత తప్పనిసరిగా వ్యాయామం చేయాలి. ఎందుకంటే దీనివల్ల పని సామర్థ్యం పెరుగుతుంది. చేయాల్సిన పనులు మరింత సమర్థవంతంగా, త్వరితంగా చేయగలరు. రకరకాల వ్యాపకాలతో చాలా బిజీగా ఉండే పెద్ద పెద్ద వాళ్లు సైతం టైమ్ సెట్ చేసుకుని మరీ వ్యాయామం చేసేది అందుకే. ఇప్పుడు మనం ఎంత బిజీగా ఉన్నా... అవి శరీరానికి పెద్దగా శ్రమ కలిగించే పనులు కావనేది నిస్సందేహం. నిజానికి శరీరం ఎప్పుడూ చలిస్తూ ఉండాలి. దాని అన్ని అవయవాలకూ చలనం కావాలి. బ్రెయిన్, కిడ్నీ, హార్ట్ అన్నింటికీ క్రమపద్ధతిలో రక్తప్రసరణ జరగాలంటే... క్రమబద్ధమైన కదలిక అవసరం. బాడీ మూవ్‌మెంట్ లేకపోతే శరీరంతో పాటు మైండ్ కూడా బద్ధకంగా తయారవుతుంది. తద్వారా ఎన్నో పనులు చేస్తున్నామనుకున్నా... అన్నీ సరిగా చేయడం సాధ్యపడదు. ఇంకో విషయం ఏమిటంటే... ఇంతే సామర్థ్యంతో మనం మున్ముందు కూడా ఉండాలన్నా... వ్యాయామం అవసరం. ఇప్పుడు ఎక్సర్‌సైజ్ చేయడం అంటే భవిష్యత్తు సమస్యలను ఎదుర్కోవడంపై శరీరానికి శిక్షణ అందించినట్టే.
స్పీడు యుగంలో మనిషికి రెండు చేతులు చాలడం లేదు. ఒక మెదడు సరిపోవడం లేదు. అలాగే సమయం కూడా. కళ్లు తెరిచి మూసేలోగా... రోజుకున్న 24 గంటలూ హాంఫట్ అయిపోతున్నాయి. ఇలాంటి పరిస్థితుల్లో సాధారణంగా గంటలో చేసే పనిని మనం అరగంటలోనే చేసేయగలిగితే... అందుకు తగ్గ శారీరక సామర్థ్యం, చురుకుతనం మన స్వంతం అయితే ఎంత అద్భుతంగా ఉంటుంది కదా! అయితే ఆ అద్భుతం నిజం కావాలంటే మనం వెంటనే వ్యాయామం మొదలుపెట్టాలి.
రోజూ వర్కవుట్ చేసేవారిలో రక్తప్రసరణ చేయనివారికన్నా మెరుగ్గా ఉంటుంది. వ్యాయా మం వల్ల దేహంలోని ప్రతి అవయవం తన పనితీరును మరింతగా మెరుగుపరచుకుంటుంది. తగినంత రక్తప్రసరణ కారణంగా మెదడు మరింత సామర్థ్యం సంతరించుకుంటుంది. దాంతో ఆలోచనల్లో, నిర్ణయాలు తీసుకోవడం లో వేగం పెరుగుతుంది. తద్వారా మన పనితీరులో సమూలమైన మార్పులు వస్తాయి. ఎప్పుడూ చేసే పనులను మరింత సమర్థంగా, వేగంగా చేయగలుగుతాం. తద్వారా సమయాన్ని ఆదా చేసుకుంటూ ఒక పని చేసే టైమ్‌లోనే రెండు పనులు చేసేయగలుగుతాం. రోజు మొత్తం మీద కనీసం 40 నిమిషాల పాటు సరిపడా శారీరకశ్రమ చేసేవారి చురుకుదనం అలా చేయనివారితో పోలిస్తే రెట్టింపు ఉంటుందని ఇటీవల నిర్వహించిన ఒక అంతర్జాతీయ స్థాయి పరిశోధనలో వెల్లడైంది.
వాకింగ్ చేయమంటే... టైమ్ లేదంటారు చాలామంది. అయితే అది సరైనది కాదు. పని ఎంత ఎక్కువ ఉంటే అంత తప్పనిసరిగా వ్యాయామం చేయాలి. ఎందుకంటే దీనివల్ల పని సామర్థ్యం పెరుగుతుంది. చేయాల్సిన పనులు మరింత సమర్థవంతంగా, త్వరితంగా చేయగలరు. రకరకాల వ్యాపకాలతో చాలా బిజీగా ఉండే పెద్ద పెద్ద వాళ్లు సైతం టైమ్ సెట్ చేసుకుని మరీ వ్యాయామం చేసేది అందుకే. ఇప్పుడు మనం ఎంత బిజీగా ఉన్నా... అవి శరీరానికి పెద్దగా శ్రమ కలిగించే పనులు కావనేది నిస్సందేహం. నిజానికి శరీరం ఎప్పుడూ చలిస్తూ ఉండాలి. దాని అన్ని అవయవాలకూ చలనం కావాలి. బ్రెయిన్, కిడ్నీ, హార్ట్ అన్నింటికీ క్రమపద్ధతిలో రక్తప్రసరణ జరగాలంటే... క్రమబద్ధమైన కదలిక అవసరం. బాడీ మూవ్‌మెంట్ లేకపోతే శరీరంతో పాటు మైండ్ కూడా బద్ధకంగా తయారవుతుంది. తద్వారా ఎన్నో పనులు చేస్తున్నామనుకున్నా... అన్నీ సరిగా చేయడం సాధ్యపడదు. ఇంకో విషయం ఏమిటంటే... ఇంతే సామర్థ్యంతో మనం మున్ముందు కూడా ఉండాలన్నా... వ్యాయామం అవసరం. ఇప్పుడు ఎక్సర్‌సైజ్ చేయడం అంటే భవిష్యత్తు సమస్యలను ఎదుర్కోవడంపై శరీరానికి శిక్షణ అందించినట్టే.
