టీమ్-లీజ్ జాబ్స్, శాలరీస్ ప్రీమియర్-2017 అధ్యయన రిపోర్టు ప్రకారం… గత నాలుగేళ్లుగా వేతనాల ఇంక్రిమెంట్లో టాప్ పొజిషన్ లో ఉన్న ఐటీ రంగం తర్వాత ఈ ఏడాది బ్యాంకింగ్, ఫైనాన్సియల్ సర్వీసెస్ రంగానికే ఎక్కువ వేతన ఇంక్రిమెంట్ ఉండబోతున్నట్టు పేర్కొంది.
ఎన్నడూ లేనంతగా సగటున 11.2 శాతం వేతన ఇంక్రిమెంట్లు ఉంటాయని, విద్యా, ఈ-కామర్స్ రంగాల్లో 100కిపైగా కొత్త ఉద్యోగాల కల్పన జరుగుతుందని వెల్లడించింది. తక్కువ సప్లై, ఎక్కువ డిమాండ్ ఉండటం వలన బ్లూ-కాలర్ జాబ్స్ కు కొన్నేళ్లుగా డిమాండ్ భారీగానే ఉంటుందట. శారీరక శక్తి, వ్యాయామం, బేసిక్ రీడింగ్, రాత, మౌఖిక కమ్యూనికేషన్, వ్యక్తిగత నేర్పు వంటి స్కిల్స్ ఉన్న వారికి డిమాండ్ ఉన్నట్టు రిపోర్టు తెలిపింది.
ప్రభుత్వం హఠాత్తుగా తీసుకున్న పెద్ద నోట్ల రద్దు నిర్ణయం కొన్ని రంగాలను భారీగా దెబ్బకొట్టిందని వెల్లడించింది. నిర్మాణం, రియల్ ఎస్టేట్, ఆటోమొబైల్, పారిశ్రామిక తయారీ, దాని అనుబంధ పరిశ్రమల్లో ఇంక్రిమెంట్లు తగ్గిపోనున్నాయట.
