Tiredness Food : ఆహారం అనేది మన ఆరోగ్యం మీద మంచి ప్రభావాన్ని చూపుతుంది. అందువల్ల తీసుకొనే ఆహారం విషయంలో జాగ్రత్తలు తప్పనిసరిగా తీసుకోవాలి. రోజంతా పని చేయటం వలన అలసట వస్తుంది. అయితే కొంత మందికి కొంచెం పనిచేయగానే అలసట వచ్చేస్తుంది.
అలసట వచ్చినప్పుడు ఏ పని చేయాలనీ అనిపించదు. చాలా చికాకుగా కూడా ఉంటుంది. ఈ పరిస్థితి నుండి బయటకు రావాలంటే కొన్ని అద్భుతమైన ఆహారాలు ఉన్నాయి. ఈ ఆహారాలను తీసుకుంటే అలసటను సులభంగా తగ్గించుకోవచ్చు. ఇప్పుడు ఆ ఆహారాల గురించి వివరంగా తెలుసుకుందాం.
గ్రీన్ టీ
నరాలను ఉత్తేజపరచటానికి గ్రీన్ టీ చాలా బాగా సహాయాపడుతుంది. సాధారణంగా మనం త్రాగే కాఫీ,టీల కంటే గ్రీన్ టీలో ఎక్కువగా యాంటీ ఆక్సిడెంట్స్ ఉంటాయి. శరీరం లోపలి భాగాలను శుభ్రం చేసి శక్తిని ఇవ్వటంలో గ్రీన్ టీ చాలా బెస్ట్ అని చెప్పాలి.
స్ట్రాబెర్రీ
అధికమైన పీచు, అధిక ఎనర్జీ, అధిక విటమిన్ సి, యాంటీ ఆక్సిడెంట్లు సమృద్ధిగా ఉన్న ఏ పండు తక్షణ శక్తిని అందిస్తుంది.
చీజ్
సాధారణంగా బరువు తగ్గటానికి డైటింగ్ చేసేవారు నీరసం రాకుండా కాస్త ఉత్తేజితంగా ఉండటానికి చీజ్ తీసుకుంటారు. శక్తినిచ్చే హార్మోన్లను ఇది రిలీజ్ చేస్తుంది.
అరటిపండు
అలసిన శరీరానికి గ్లూకోజ్ ను కార్బోహైడ్రేట్లను ఎంతో తేలికగాను వేగవంతంగాను ఈ పండు అందిస్తుంది. రక్తంలోని హేమోగ్లోబిన్ కు అవసరమైన ఐరన్ అందిస్తుంది. ఎంతో శక్తి కలిగి భావిస్తారు. ఈ ఆహారాలు అలసటను తక్షణమే తగ్గించి శరీరానికి శక్తిని అందిస్తాయి.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.
