పాప్‌కార్న్, అరటిపండు చిప్స్ రెండూ నోరూరించే చిరుతిండులు. చిన్న పిల్లల నుంచి పెద్దల వరకు అందరూ వీటిని ఇష్టంగా తింటారు. ఒక్కసారి వీటికి అలవాటు పడితే, తినకుండా ఉండలేము. కొందరు పాప్‌కార్న్‌ను ఇష్టపడతారు, మరికొందరు అరటిపండు చిప్స్‌ను ఇష్టపడతారు. కానీ, ఈ రెండింటిలో ఆరోగ్యానికి ఏది మంచిదో మీకు తెలుసా?
మొక్కజొన్న (పాప్‌కార్న్)
పాప్‌కార్న్‌ను మొక్కజొన్న గింజల నుంచి తయారు చేస్తారు. గింజలను వేడి చేసినప్పుడు, లోపలి నీరు ఆవిరై, గింజలు ఉబ్బి పాప్‌కార్న్‌గా మారతాయి. ఇవి రుచికరంగా ఉంటాయి మరియు ఆరోగ్యకరమైన చిరుతిండిగా పరిగణించబడతాయి. ఎందుకంటే, పాప్‌కార్న్‌లో కేలరీలు తక్కువగా, ఫైబర్ ఎక్కువగా ఉంటుంది.
ఇది కొలెస్ట్రాల్ స్థాయిలను తగ్గించడంలో సహాయపడుతుంది మరియు గుండె జబ్బుల ప్రమాదాన్ని తగ్గిస్తుంది. అంతేకాక, పాప్‌కార్న్‌లో యాంటీఆక్సిడెంట్లు ఉండి, కణజాలాలకు నష్టం జరగకుండా కాపాడతాయి. ఇతర స్నాక్స్‌తో పోలిస్తే, ఇది సాధారణంగా శుభ్రంగా తయారు చేయబడుతుంది, కాబట్టి తినడం సురక్షితం.
అరటిపండు చిప్స్
అరటిపండు చిప్స్ ఆరోగ్యకరంగా అనిపించినప్పటికీ, వాటిని వేయించడానికి ఉపయోగించే నూనె మరియు రుచి కోసం కలిపే పదార్థాలు ఆరోగ్యానికి హాని కలిగించవచ్చు. అరటిపండ్ల నుంచి తయారైనప్పటికీ, వీటిని ఎక్కువగా తినడం వల్ల ఆరోగ్య సమస్యలు వచ్చే అవకాశం ఉంది.
ఏది మంచిది?
మసాలాలు లేకుండా తయారు చేసిన పాప్‌కార్న్ ఆరోగ్యానికి మంచిది. ఇందులో సహజంగా చక్కెర తక్కువగా ఉంటుంది. మితంగా తినడం వల్ల సమస్యలు రావు, కానీ ఎక్కువగా తింటే కడుపు సమస్యలు వచ్చే అవకాశం ఉంది.
అరటిపండు చిప్స్‌ను వివిధ నూనెల్లో వేయించడంతో పాటు, రుచి కోసం చక్కెర, ఇతర పదార్థాలు కలుపుతారు, ఇది వాటిని మళ్లీ మళ్లీ తినాలనే కోరికను కలిగిస్తుంది. రెండింటినీ పోల్చితే, పాప్‌కార్న్ ఆరోగ్యకరమైన ఎంపిక. అయితే, అరటిపండు చిప్స్ తినాలనుకుంటే, ఇంట్లో తయారు చేసుకోవడం మంచిది, ఎందుకంటే ఇది ఆరోగ్యానికి సురక్షితం.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
