Fruit Salad:ప్రతిరోజూ ఉదయం ఒక కప్పు ఫ్రూట్ సలాడ్ తినండి.. అనేక అద్భుతమైన ప్రయోజనాలు పొందవచ్చు.. ఆరోగ్య ప్రయోజనాల కోసం పండ్లను తినమని పోషకాహార నిపుణులు మరియు వైద్యులు సిఫారసు చేస్తుంటారు. అందులో భాగంగా చాలా మంది తమకు ఇష్టమైన లేదా అందుబాటులో ఉన్న పండ్లను తింటారు. అయితే, ఒకే రకం పండ్లను ఎక్కువగా తినడం కంటే, వివిధ రకాల పండ్లను కొద్ది మోతాదులో తినడం ఎంతో మేలు చేస్తుందని నిపుణులు సూచిస్తున్నారు.
రోజూ అన్ని రకాల పండ్లను కొద్దిగా తీసుకోవడం వల్ల వివిధ పోషకాలను ఒకేసారి పొందవచ్చు, దీని వల్ల ఆరోగ్య ప్రయోజనాలు మరింత పెరుగుతాయి. వివిధ రకాల పండ్లను కలిపి తినడాన్ని ఫ్రూట్ సలాడ్ అని పిలుస్తారు. ఫ్రూట్ సలాడ్ అంటే, పండ్లను చిన్న ముక్కలుగా కట్ చేసి కలిపి తినడం మాత్రమే. ఇందులో ఎటువంటి బేకరీ పదార్థాలను కలపకూడదు. రోజూ ఒక కప్పు ఫ్రూట్ సలాడ్ తీసుకుంటే ఎన్నో ఆరోగ్య ప్రయోజనాలు లభిస్తాయి.
ఫ్రూట్ సలాడ్‌లో వివిధ రకాల పండ్లు ఉండటం వల్ల దాదాపు అన్ని రకాల పోషకాలు అందుతాయి. విటమిన్లు, మినరల్స్, యాంటీ ఆక్సిడెంట్లు సమృద్ధిగా లభిస్తాయి. సిట్రస్ పండ్లు, స్ట్రాబెర్రీలు, కివీ, నారింజ, బొప్పాయి వంటి పండ్లను ఫ్రూట్ సలాడ్‌లో కలుపుతారు. ఇవి విటమిన్ సి మరియు యాంటీ ఆక్సిడెంట్లను అధికంగా అందిస్తాయి, ఇవి రోగ నిరోధక శక్తిని బలోపేతం చేస్తాయి, చర్మ ఆరోగ్యాన్ని కాపాడతాయి, మరియు ఆహారంలోని ఐరన్‌ను శరీరం గ్రహించేలా సహాయపడతాయి.
ఫ్రూట్ సలాడ్‌లో అరటి, నారింజ, తర్బూజా వంటి పండ్లు ఉండటం వల్ల పొటాషియం అధికంగా లభిస్తుంది. ఇది రక్తపోటును నియంత్రిస్తుంది, హై బీపీ ఉన్నవారికి ఉపయోగకరంగా ఉంటుంది, గుండె ఆరోగ్యాన్ని కాపాడుతుంది మరియు గుండెపోటు నుంచి రక్షణ కల్పిస్తుంది. ఫ్రూట్ సలాడ్‌లోని వివిధ పండ్ల వల్ల యాంటీ ఆక్సిడెంట్లు, ఫ్లేవనాయిడ్స్, కెరోటినాయిడ్స్, పాలిఫినాల్స్ అధికంగా లభిస్తాయి. ఇవి ఫ్రీ ర్యాడికల్స్‌ను నిర్మూలించి, ఆక్సీకరణ ఒత్తిడిని తగ్గిస్తాయి, కణాల నష్టాన్ని నివారిస్తాయి మరియు శరీరంలోని వాపులను తగ్గిస్తాయి. దీని వల్ల గుండెపోటు, డయాబెటిస్, క్యాన్సర్ వంటి వ్యాధుల నుంచి రక్షణ లభిస్తుంది.
ఫ్రూట్ సలాడ్‌లోని పండ్లలో ఫైబర్ పుష్కలంగా ఉంటుంది. వివిధ రకాల పండ్లు కలపడం వల్ల మొత్తంగా ఎక్కువ ఫైబర్ లభిస్తుంది. ఇది జీర్ణ వ్యవస్థను ఆరోగ్యంగా ఉంచుతుంది, మలబద్దకాన్ని తగ్గిస్తుంది, రక్తంలో చక్కెర స్థాయిలను నియంత్రిస్తుంది, డయాబెటిస్ ఉన్నవారికి మేలు చేస్తుంది. ఫైబర్ వల్ల కడుపు నిండిన భావన కలుగుతుంది, ఎక్కువ సేపు ఆకలి వేయకుండా ఉంటుంది,
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
