Almond Oil For Face: ముఖానికి బాదం నూనె రాసుకుంటున్నారా.. ఒక నిమిషం ఆలోచించాలి.. బాదం నూనె ఆరోగ్యం మరియు అందానికి ఎంతో మేలు చేస్తుందని నిపుణులు చెబుతున్నారు. ఇందులో జుట్టు చివర్లు చిట్లడం, పొడిబారడం వంటి సమస్యలను నివారించే గుణాలు ఉన్నాయి.
స్నానానికి ముందు బాదం నూనెతో శరీరానికి మసాజ్ చేస్తే చర్మం నిగారించి, ఆరోగ్యవంతంగా కనిపిస్తుందని నిపుణులు సూచిస్తున్నారు. అయితే, ముఖానికి బాదం నూనె వాడటం వల్ల కొన్ని దుష్ప్రభావాలు ఉండవచ్చని కూడా హెచ్చరిస్తున్నారు. ఆ వివరాలు ఇక్కడ తెలుసుకుందాం.
స్నానానికి ముందు బాదం నూనెతో శరీరాన్ని మర్దన చేయడం వల్ల చర్మం మృదువుగా, నిగారించి కనిపిస్తుంది. బాదం నూనెలోని విటమిన్లు మరియు పోషకాలు చర్మ సమస్యలను తగ్గించడంలో సహాయపడతాయి. అయితే, ముఖానికి బాదం నూనె రాసుకోవడం వల్ల కొందరిలో దుష్ప్రభావాలు కనిపించవచ్చు. కొన్ని అంశాల వల్ల చర్మంపై దురద, మంట లాంటి సమస్యలు తలెత్తవచ్చని నిపుణులు అంటున్నారు.
జిడ్డుగల చర్మం ఉన్నవారు ముఖానికి బాదం నూనె రాస్తే మొటిమలు ఎక్కువగా వచ్చే అవకాశం ఉంది. కొంతమందిలో బాదం నూనె అలెర్జీని కలిగించవచ్చు, దీనివల్ల చర్మం ఎర్రబడటం, దురద, వాపు వంటి సమస్యలు రావచ్చు. అలాగే, బాదం నూనె రాసుకుని ఎండలోకి వెళితే చర్మం రంగు మారే ప్రమాదం ఉంది, దీనివల్ల చర్మం అసమానంగా కనిపించవచ్చు.
(గమనిక: ఈ సమాచారం కేవలం అవగాహన కోసం మాత్రమే. నిపుణుల సలహా ప్రకారం ఇక్కడ పేర్కొనబడింది. ఆరోగ్య సమస్యలకు సంబంధించి నేరుగా వైద్య నిపుణులను సంప్రదించడం ఉత్తమం.)
