Anjeer Laddu:ఈ చిన్న లడ్డూతో కొండంత ఆరోగ్యం..! శీతాకాలంలో రోజూ ఒక్కటి తినండి, ఎటువంటి వ్యాధులు రావు..అంజీరం మన ఆరోగ్యానికి ఎన్నో ప్రయోజనాలు ఇస్తుందన్న విషయం అందరికీ తెలిసిందే. కానీ దీన్ని లడ్డూగా తయారు చేసుకుని తింటే మరింత ఎక్కువ లాభం ఉంటుందని ఆరోగ్య నిపుణులు సూచిస్తున్నారు.
శీతాకాలంలో ఈ లడ్డూ తింటే శరీరం లోపలి నుంచి వెచ్చగా ఉంటుంది. అందుకే ఈ అద్భుతమైన అంజీర్ లడ్డూ ఎలా తయారు చేయాలో, దాని ప్రయోజనాలు ఏమిటో ఇప్పుడు చూద్దాం.. పదండి!
శీతాకాలంలో అంజీర్ లడ్డూ ప్రయోజనాలు
ఈ లడ్డూ శరీరాన్ని లోపలి నుంచి వెచ్చగా ఉంచడమే కాకుండా, రక్తహీనత, జీర్ణ సమస్యలు, మలబద్ధకం, పేగుల ఆరోగ్యం, కండరాల బలం, బరువు నియంత్రణ, చర్మం & జుట్టు ఆరోగ్యాన్ని మెరుగుపరుస్తుంది. పిల్లల నుంచి పెద్దల వరకు అందరూ ఇష్టంగా తింటారు. రోజూ ఒక్క లడ్డూ తింటే ఎన్నో వ్యాధుల నుంచి రక్షణ లభిస్తుంది, రోగనిరోధక శక్తి పెరుగుతుంది.
అంజీర్ లడ్డూ తయారీకి కావలసిన పదార్థాలు
ఎండిన అంజీర్ పండ్లు – 1 కప్పు (10-15 ముక్కలు)
తరిగిన ఖర్జూరాలు – 1 కప్పు
తరిగిన బాదం – ¼ కప్పు
జీడిపప్పు – ¼ కప్పు
పిస్తాపప్పులు – 2 టేబుల్ స్పూన్లు
వాల్‌నట్స్ – 2 టేబుల్ స్పూన్లు
నెయ్యి – 1 టేబుల్ స్పూన్
ఏలకుల పొడి – ½ టీస్పూన్
అంజీర్ లడ్డూ తయారీ విధానం
ముందుగా అంజీర్, ఖర్జూరాలను చిన్న ముక్కలుగా తరిగి పక్కన పెట్టండి.స్టవ్ మీద పాన్ పెట్టి, నెయ్యి వేసి కాగిన తర్వాత బాదం, జీడిపప్పు, పిస్తా, వాల్‌నట్స్ వేసి సన్నని మంట మీద కాసేపు వేయించండి.
అదే పాన్‌లో తరిగిన అంజీర్, ఖర్జూర ముక్కలు వేసి 4-5 నిమిషాలు మెత్తబడే వరకు ఉడికించండి.
ఇప్పుడు వేయించిన డ్రై ఫ్రూట్స్, ఏలకుల పొడి వేసి బాగా కలపండి.స్టవ్ ఆఫ్ చేసి, మిశ్రమం కొద్దిగా చల్లారిన తర్వాత చేతులకు నెయ్యి రాసుకుని చిన్న చిన్న లడ్డూలుగా చుట్టండి.
ఇష్టమైతే లడ్డూలకు కాల్చిన నువ్వులు లేదా గసగసాలు జోడించవచ్చు.ఈ లడ్డూకి చక్కెర లేదా బెల్లం అవసరం లేదు – అంజీర్, ఖర్జూరాల సహజ తీపే చాలు! డ్రై ఫ్రూట్స్‌తో కలిపి తయారైన ఈ లడ్డూ ఆరోగ్యాన్ని కాపాడడమే కాకుండా, తక్షణ శక్తిని ఇస్తుంది.
గమనిక: పై సమాచారం ఇంటర్నెట్, నివేదికల ఆధారంగా అందించబడింది. ఏవైనా సందేహాలు ఉంటే లేదా ఉపయోగించాలనుకుంటే తప్పనిసరిగా వైద్యుడిని సంప్రదించండి.
