Roses:అందమైన గులాబీ రేకులతో అద్భుత ఆరోగ్యం.. లాభాలు తెలిస్తే ఆశ్చర్యపోతారు..చర్మం మెరిసేలా చేయడానికి చాలామంది గులాబీ రేకులను వాడతారు. కొందరు తింటారు, మరికొందరు ఫేస్ ప్యాక్, హెయిర్ మాస్క్‌లుగా ఉపయోగిస్తారు.
కానీ ఈ అందమైన రేకులు కేవలం సౌందర్యానికి మాత్రమే కాదు, ఆరోగ్యానికి కూడా అద్భుత లాభాలు అందిస్తాయి. తినడం వల్ల శరీరంలోని మలినాలు తొలగిపోతాయి, జీవక్రియ మెరుగుపడుతుంది. మరిన్ని ప్రయోజనాలు ఇక్కడ చూద్దాం..
బరువు తగ్గడంలో సహాయకం
రోజూ కొన్ని తాజా గులాబీ రేకులు తింటే ఇంద్రియాలు సంతృప్తి చెందుతాయి. దీంతో సహజంగా ఆకలి తగ్గి, అధిక ఆహారం తీసుకోకుండా బరువు తగ్గేందుకు దోహదం చేస్తాయి. రేకుల్లో ఫైబర్ అధికంగా ఉండటం వల్ల వ్యర్థాలు త్వరగా బయటకు పోతాయి.
ఒత్తిడి, తలనొప్పి దూరం
గులాబీ రేకుల సుగంధం ఒత్తిడిని తగ్గిస్తుంది. రేకులతో తయారు చేసిన డ్రింక్ తాగితే తలనొప్పి, డిప్రెషన్ వంటి సమస్యలు తగ్గుతాయి.
పోషకాల సమృద్ధి
విటమిన్ A, C, E, ఐరన్, కాల్షియం పుష్కలంగా ఉంటాయి. యాంటీ-ఇన్‌ఫ్లమేటరీ గుణాలు జీర్ణక్రియను మెరుగుపరుస్తాయి. పైల్స్ బాధితులకు ఉపశమనం కలిగిస్తాయి, జీర్ణశక్తి పెంచుతాయి.
గుండె ఆరోగ్యం
బాదంపప్పుతో కలిపి ఉదయం తీసుకుంటే రక్తపోటు తగ్గుతుంది. కషాయం తాగితే చెడు కొలెస్ట్రాల్ తొలగి, గుండె ఆరోగ్యం మెరుగవుతుంది.
చర్మ రక్షణ
యాంటీ-ఆక్సిడెంట్లు దెబ్బతిన్న కణాలను రిపేర్ చేసి, ఇన్ఫెక్షన్ల నుంచి కాపాడతాయి.
జుట్టు & మెదడు ఆరోగ్యం
కొబ్బరి నూనెలో కలిపి వేడి చేసి, చల్లార్చి తలకు రాస్తే మెదడు చల్లబడుతుంది, జ్ఞాపకశక్తి పెరుగుతుంది, ఒత్తిడి తగ్గుతుంది, జుట్టు ఒత్తుగా పెరుగుతుంది.
యాంటీబయాటిక్ గుణం
చీము పుళ్లపై పొడి చల్లితే యాంటీబయాటిక్‌లా పనిచేసి సెల్యులార్ ఆరోగ్యాన్ని ప్రోత్సహిస్తుంది.
గులాబీ రేకులు – అందానికి మాత్రమే కాదు, ఆరోగ్య నిధి! రోజువారీ నిర్ణీత మోతాదులో తీసుకోండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
