Tulasi And Pepper drink:మారుతున్న వాతావరణం వల్ల జలుబు, దగ్గు, గొంతు నొప్పి, జ్వరం వంటి ఇన్ఫెక్షన్లు ప్రతి ఒక్కరినీ వేధిస్తుంటాయి. ఈ సీజన్‌లో పదేపదే మందులు వాడి హాస్పిటల్స్ చుట్టూ తిరిగే పనిలేకుండా, మన ఇంట్లో ఉండే 'తులసి, మిరియాలు'తో ఈ అద్భుతమైన న్యాచురల్ డ్రింక్ తయారుచేసుకుని తాగితే ఇమ్యూనిటీ అమాంతం పెరుగుతుంది.
ఆయుర్వేదంలో అద్భుతమైన ఔషధంగా పేరున్న తులసి ఆకుల్లోని యాంటీ బ్యాక్టీరియల్ గుణాలు, మిరియాల్లోని ఘాటైన యాంటీ ఆక్సిడెంట్లు కలిస్తే శరీరానికి ఒక రక్షణ కవచంలా పనిచేస్తాయి.
శ్వాసకోశ సమస్యలను క్షణాల్లో తగ్గించి, రోగనిరోధక శక్తిని రెట్టింపు చేసే ఈ 'తులసి-మిరియాల' డ్రింక్‌ను ఎలా తయారు చేయాలో, దీనివల్ల కలిగే అద్భుత ప్రయోజనాలు ఏంటో ఇప్పుడు వివరంగా తెలుసుకుందాం.
ఈ సీజన్ లో మిరియాలు+తులసి కలిపి తీసుకుంటే ఏమి జరుగుతుందో తెలుసా.. శీతాకాలంలో ఆరోగ్యం పట్ల మరింత జాగ్రత్త అవసరం! ఈ ఋతువులో జలుబు, దగ్గు, జ్వరం, గొంతు నొప్పి వంటి సమస్యలు సులువుగా వస్తాయి. ముఖ్యంగా గొంతు బొంగురుపోవడం, మింగడానికి ఇబ్బంది కలగడం చాలా మందిని ఇబ్బంది పెడతాయి.
ఈ సమస్యల నుంచి త్వరగా ఉపశమనం పొందాలంటే… సాంప్రదాయ ఔషధ గుణాలు గల ఒక సింపుల్ హోమ్ రెమెడీని రోజూ తీసుకోవచ్చు. ఆరోగ్య నిపుణులు కూడా శీతాకాలంలో నల్ల మిరియాలు, తులసి, అల్లాన్ని ఎక్కువగా ఉపయోగించమని సూచిస్తున్నారు.
గొంతు నొప్పి, జలుబుకు తక్షణ ఉపశమనం కలిగించే ప్రత్యేక కషాయం
కావలసిన పదార్థాలు:
5 తులసి ఆకులు (తాజాగా ఉంటే ఇంకా మంచిది)
2 నల్ల మిరియాలు (కొద్దిగా చిట్లచ్చి వేసుకోవచ్చు)
1 అంగుళం పొడవు అల్లం ముక్క (చిన్నగా తురుముకోవడం లేదా నలిపేయడం)
1 గ్లాసు నీరు
తయారీ విధానం:
ఒక చిన్న పాత్రలో ఒక గ్లాసు నీరు పోసి మరగబెట్టండి.నీరు మరిగే సమయంలోనే తులసి ఆకులు, చిట్లిన నల్ల మిరియాలు, అల్లం ముక్కలు వేసి 5–7 నిమిషాలు బాగా మరిగించండి.నీరు సగం అయ్యేవరకు (సుమారు అర్ధ గ్లాసు) మరగనివ్వండి.స్టవ్ ఆఫ్ చేసి, వడకట్టి, కొద్దిగా చల్లారాక తేనె (ఐచ్ఛికం) కలిపి నెమ్మదిగా సిప్ చేస్తూ తాగండి.ఈ
కషాయం రోజూ తాగితే లాభాలు:
గొంతు బొంగురుపోవడం తగ్గుతుంది, నొప్పి తగ్గుతుంది. జలుబు, దగ్గు త్వరగా తగ్గే అవకాశం ఉంది శరీరం వెచ్చదనం పొంది రోగనిరోధక శక్తి పెరుగుతుంది. జీర్ణక్రియ కూడా మెరుగవుతుంది
గమనిక: ఈ కషాయం సహజ చికిత్స మాత్రమే. తీవ్రమైన గొంతు నొప్పి లేదా జ్వరం ఉంటే తప్పనిసరిగా వైద్యుడిని సంప్రదించండి. ఈ శీతాకాలం… సహజంగానే ఆరోగ్యంగా ఉండండి!
