Beans Benefits:మన దేశంలో ఎన్నో రకాల ఆకుకూరలు, కూరగాయలు సులభంగా లభిస్తాయి. ప్రతి ఒక్కరూ తమకు ఇష్టమైనవి లేదా అందుబాటులో ఉన్నవి ఎంచుకుని వండుకుంటూ తింటుంటారు. బీన్స్ ని అలసందలు అని కూడా పిలుస్తారు.
కానీ కొన్ని కూరగాయలను చాలా మంది పట్టించుకోరు. అలాంటి వాటిలో అలసందలు కూడా ఒకటి. ఇవి బీన్స్ జాతికి చెందినవే అయినా, సాధారణ బీన్స్‌కంటే మెత్తగా, త్వరగా ఉడికే స్వభావం కలిగి ఉంటాయి. జీర్ణం కూడా సులువుగా జరుగుతుంది. అలసంద కాయలతో వేపుడు, టమాటా కూర, పచ్చడి వంటి ఎన్నో వంటకాలు తయారు చేస్తారు. రుచి ఆకట్టుకుంటుంది.
అయితే ఈ అలసందలను ఆహారంలో చేర్చుకోవడం వల్ల అనేక ఆరోగ్య ప్రయోజనాలు లభిస్తాయి. ఇవి శరీరానికి అవసరమైన పోషకాలను సమృద్ధిగా అందిస్తాయి.
షుగర్ రోగులకు అద్భుతం..
అలసందల్లో ఫైబర్ పుష్కలంగా ఉంటుంది. ఇది మలబద్ధకాన్ని నివారిస్తుంది, జీర్ణవ్యవస్థను ఆరోగ్యవంతంగా కాపాడుతుంది. ఫైబర్ కారణంగా బరువు తగ్గడం సులభమవుతుంది. తిన్న తర్వాత కడుపు నిండిన ఫీలింగ్ వస్తుంది, ఎక్కువ సేపు ఆకలి అనిపించదు. ఫలితంగా ఆహారం తక్కువగా తీసుకుంటారు – ఇది బరువు నియంత్రణకు గొప్ప సహాయం.
షుగర్ ఉన్నవారికి కూడా అలసందలు ఎంతో ఉపయోగకరం. ఇవి రక్తంలో గ్లూకోజ్ స్థాయిలు నెమ్మదిగా పెరిగేలా చేస్తాయి. దీంతో డయాబెటిస్ నియంత్రణ సాధ్యమవుతుంది. ముఖ్యంగా టైప్-2 డయాబెటిస్ ఉన్నవారికి ఈ కాయలు గొప్ప వరం.
అలసందల్లో విటమిన్ సి పుష్కలంగా ఉంటుంది. ఇది శక్తివంతమైన యాంటీఆక్సిడెంట్‌గా పనిచేసి, రోగనిరోధక శక్తిని పెంచుతుంది. ఫ్రీ రాడికల్స్‌ను తొలగిస్తుంది. కొల్లాజెన్ ఉత్పత్తిని ప్రోత్సహిస్తుంది – ఫలితంగా చర్మం ఆరోగ్యంగా మెరుస్తుంది, గాయాలు త్వరగా మాణుతాయి.
గర్భిణీ స్త్రీలకు అనివార్యం..
అలసందల్లో ఫోలేట్ (విటమిన్ బి9) అధికంగా ఉంటుంది. ఇది గర్భిణీలకు అత్యంత ముఖ్యం. శిశువు ఎదుగుదల సక్రమంగా సాగేలా చేస్తుంది. పుట్టుకతో వచ్చే లోపాలను నివారిస్తుంది. శిశువు ఆరోగ్యం మెరుగుపడుతుంది.
విటమిన్ ఎ కూడా ఎక్కువగా ఉంటుంది.
ఇది కంటి చూపును పదును పరుస్తుంది, రోగనిరోధకతను బలోపేతం చేస్తుంది. ప్రత్యుత్పత్తి వ్యవస్థను సమతుల్యంగా ఉంచుతుంది. స్త్రీ-పురుషులిద్దరిలోనూ సంతాన సమస్యలు తగ్గుతాయి, గర్భధారణ అవకాశాలు పెరుగుతాయి.
ఐరన్ సమృద్ధిగా లభించడం వల్ల రక్తహీనత తగ్గుతుంది. హిమోగ్లోబిన్ స్థాయిలు పెరిగి, అలసట, నీరసం దూరమవుతాయి. శరీరం ఉత్సాహంగా, యాక్టివ్‌గా మారుతుంది.
బి విటమిన్ల సమృద్ధి.. అలసందల్లో వివిధ రకాల బి విటమిన్లు ఉంటాయి. ఇవి శరీర జీవక్రియలను సక్రమంగా నడిపిస్తాయి, శక్తిని అందిస్తాయి. ఫ్లేవనాయిడ్స్ అనే యాంటీఆక్సిడెంట్లు ఆక్సీకరణ ఒత్తిడిని, వాపులను తగ్గిస్తాయి. దీర్ఘకాలిక వ్యాధుల నుంచి రక్షణ కల్పిస్తాయి.
ఇలా అలసందలు అన్ని విధాలుగా ఆరోగ్యాన్ని కాపాడతాయి. రోజూ ఒక కప్పు తీసుకుంటే గొప్ప ఫలితాలు కనిపిస్తాయి. జ్యూస్‌గా, సలాడ్‌గా, ఇతర కూరగాయలు-పండ్లతో కలిపి తినవచ్చు. మీ ఆహారంలో ఇప్పటి నుంచి అలసందలను చేర్చుకోండి – ఆరోగ్యం మీ చేతుల్లో!
